كشفت الإعلامية شريهان أبو الحسن، عن سبب زفاف عروسةبدون عريس بفرنسا، قائلة: "بنت من فرنسا.. حصل خلاف قبل الزواج بين العريس والعروسة.. وزى ما بيحصل فى كل الأفراح.. وقبل الحفل بشهرين اكتشفت أن زوج المستقبل كان بيخونها".
وأضافت "شريهان" خلال برنامجها راجل و2 ستات المذاع على قناة on، تقديم هيدى كرم وسامح حسين: "استلمت العروسة الفستان وقررت تتزوج وتعمل فرح بدون العريس بسبب صدمتها بخطيبها.. وعاوزة توصل رسالة له أنه مش فارق معاها.. وهى سعيدة فى حياتها".
وأشارت، إلى أنه لو تم عرض عليا حفل زى كده هروح الحفل وهذا اختيار العروسة.
وعلقت الفنانة هيدى كرم: "ازاى عندها القوة النفسية أن تعمل فرح كده وهى بتسمع الموسيقى اللى اختاروها مع بعض ودى كدة بتعذب نفسها".
وقال الفنان سامح حسين: "هناك دراسة أجرتها جامعة بريطانية، أنه هناك علاقة ما بين الروائح على احساس الشخص بجسمه.. ولو شميتى الليمون هتحسى انك رشيقة.. ولو عاوز تخس كشفوا أنه السر فى الليمون".
وعلقت الإعلامية شريهان أبو الحسن : "ساعات تروحى مطاعم تشمى الريحة تقفلك عن الأكل".
وعلقت الفنانة هيدى كرم: "الليمون بيديكى إحساس بالانتعاش".
وقالت الفنانة هيدى كرم: " سيدة تطالب الطلاق بسبب اسمها على موبايل زوجها.. وفى يوم من الأيام دخل الحمام يأخذ دش.. وكان الهاتف بيرن ورسائل كثيرة على هاتفة وقررت تشوف الهاتف مين اللى بيرن عليه.. ولقيت أنه مسميها اسم بالعربى "يجب ان تطاع".. ولما شافت الاسم كانت بتتلكك.. ورفعت عليه قضية بسبب أنه مسميها اسم فيما معناه أنها المسيطرة والمتحكمة فى البيت".
قالت الإعلامية شريهان أبو الحسن، إن مشاركة الست اللي بتشتغل في مصروف البيت والأسرة والأطفال وحدودها فين وتطلب بالصرف على البيت ولا بالاحساس كدة.. وفى بعض الرجال طلما نزلت تشتغل وخدت من وقت ومجهود البيت يبقى اذا تبقى مطالبة بمشاركة السيدة فى مصروفات البيت.. وهناك ناس بقول لا أن الراجل هو المسئول فى مصروفات البيت".
وعلق الفنان سامح حسين : "المصاريف المادية رقم واحد مسئولية الرجل.. وهو هيبقى سعيد بده وان هو راجل بيلبى طلبات البيت كلها".
وعلقت الفنانة هيدى كرم : "فى ستات كتيرة بتنزل تشتغل لمساعدة أزواجهم.. بسبب كل حاجة فى الدنيا غليت والست بتسند زوجها.. ومقدرش أقول فى الوقت ده الراجل مياخدش من الست فلوس.. والسيدة تنزل تشتغل لتساعد زوجها فى الاحتياجات الأساسية لتحسين الدخل ومقدرش احمل عبء على الرجل فى الوقت ده لانها بتساعد معاه فى البيت".