علق الإعلامى عمرو أديب على منتقدى افتتاح الرئيس عبد الفتاح السيسى مشروع الاستزراع السمكى الفيروز، من جماعة الإخوان الإرهابية قائلا: "اللى يقولك الجمبرى.. جمبرى فى عين أهلك.. وبحيرة المنزلة تم تنظيفها.. والصيادين ناس سعيدة النهاردة عشان رجع ليهم الصيد تانى فى البحيرة".
وقال عمرو أديب خلال برنامجه الحكاية المذاع على قناة أم بى سى مصر،:"مبادرة حياة كريمة عاملة شغل حلو جدا على أرض الواقع.. ومشروع 1500 قرية لو اتعملوا هيغطوا 50 مليون شخص.. وفيه ناس مستنيه يبقى عندها طرق ومدارس ومستشفيات وناس تعبت عمر وسنين".
وتابع عمرو أديب: "لما تنحاز إنحاز لمشروع كبير.. وإنحاز ياريس للطبقة الفقيرة.. ولو اكتمل المشروع شيئ لا يصدقه عقل.. وهذا المشروع هو أمل مصر".
وعلق الإعلامى عمرو أديب: " 23 يناير اليوم ده بيبقى فيه طوارئ والذكرى وحاجات كده ولكن الساعة 10 مفيش حاجة.. و24 و25 يناير مش هيعدوا خالص.. نحن فى عام 2021 كل حاجة بتتغير.. وهذا عام التغير.. والناس اللى بتراقب مصر ابتدوا يغيروا شوية لأنه إقليميا الدولة بتتغير".
وقال أديب:"يجب أن يتم تغير الحراك فى أسطنبول.. عرفت أنهم قرروا يرموا الشغل القديم ويعمول شغل جديد وبكرة فيه كيان ثورى جديد.. غدا إنشاء كيان ثورى جديد بقيادة نفس الناس بأسطنبول.. هما بياكلو شاورما كتير ففيه غازات طلعت من الجماعة فى اسطنبول.. وبدا الحراك السياسى من الكابتن أيمن نور.. وكان عنده مشكلة كان طالب تمويل من أسبوع والتمويل مجاش.. والحراك محتاج تمويل ولأسباب مجهولة".
وتابع عمرو أديب: "بشكل علنى هيحط ايده مع حد وهيعملو حراك.. لما تقعد 7 سنين متهزش شجر.. ويفضل يمولك وليه مفيش شجرة اتحركت فى البلد.. ونيجى بعد 10 سنين تقولى أصلى انا بعمل تنظيم جديد.. وماذا قدمت المعارضة فى الخارج.. ولم يحدث أى شيئ.. قاعدين تنبسطوا ومحطات وفلوس.. وبكرة أيمن نور هو رئيس الكيان وعنده انشقاقات فى التنظيم".
وعلق أديب : "الناس مش بتبان غير فى الغربة.. وفى الغربة باعوا بعض.. لو قلبت كده أنا وعارضت الدولة هعمل شغل كتير قوى وهوقع الدولة لكن أعارض ليه دولة بتقوم وبتعمل مشروعات قومية تهم الدولة.. أسهل حاجة انك تكون معارض وأصعب حاجة انك تبقى صادق".
وقال أديب:" والبلد كل يوم لازم تكون منورة وبلد آمنة وجيش يأخذ بالة من حدودة.. والصعب أن واحد من برة يهاجم الدولة فى الغلط.. وأصعب حاجة تبنى عمارة ولكن أسهل حاجة تهد العمارة.. وفى اسطنبول كلهم بيبلغوا عن بعض وبيبعيوا بعض وكل واحد عارف مين بيبقض أكتر من التانى".
وتابع عمرو أديب: "هناك خلافات وانشقاقات بين الإخوان وبين الراجل اللى فى السجن هنا والمرشد اللى برة.. وحالة خوف ورعب وفى حاجة بتتغير.. وأحنا وضعنا ايه.. واحنا مكملين ولا مش مكملين ومين اللى هيدفع بعد كده".