أبو هشيمة يهنئ المنتخب بفوزه على غانا 2/0..ومستخدمو التواصل" كنت فين من زمان جمعتنا فى البيت بدل القعدة على القهاوى "..و" ربنا يسعدك زي مافرحتنا".. وسوري: تحية كبيرة لشلبوكا فرحتوا العرب يا مصرين

الأحد، 13 نوفمبر 2016 09:01 م

هنأ أحمد أبو هشيمة رجل الأعمال رئيس مجموعة حديد المصريين، المنتخب المصرى بفوزه على فريق غانا 2/0.

وتابع أبو هشيمة "ألف مليون مبروك لكل المصريين ..مبروك لمنتخبنا اللي رفع رأسنا و اسعدنا بأداء متميز و مشرف للكرة المصرية وهيوصلنا لكأس العالم ان شاء الله.. مبروك لجماهيرنا اللي شرفوا مصر قدام العالم وهما بيشجعوا منتخبنا بكل حب وحضارة ... ويارب تكونوا إستمتعتوا بمشاهدة المباراة علي قناة ON Sport وإن شاء الله كلنا في تقدم".

وقدم مستخدمو التواصل الاجتماعى "الفيس بوك" بتوجيه الشكر لرجل الأعمال ابو هشيمة قائلين "بجد وش القناة حلو علينا ومبروك" ايه النقل ده والتصوير ده والتغطية دي بجد قمة الاحترافية ربنا يسعدك زي مافرحتنا انا عندي bein sport بس طبعا اتفرجت عالماتش على on sport وفعلا احسن بكتير، والله يبارك فيك يااصيل يابن الأصول ربنا يوفقك في حياتك ويوفق كل مصرى بيحب البلد بجد وبيتمنالها الخير والفرح ومزيد من الازدهار والرقي في كل المجالات مش الرياضه بس انت شخص واضح واطني بكل معانى الوطنية وانا بحييك من امريكا ولاية بوسطن".

وأضاف رواد فيس بوك "شكرًا ابو هشيمة وفرت علينا وقت وفلوس القهوه اقسم بالله، و مبروك عليك يا وجه الخير شكرا احمد ابو هشيمة وشكرا ONsport وتحية كبيرة لشلبوكا مدحت شلبي فرحتوا العرب يا مصرين يعني يا رجولة اخوكون من سوريا، واخوكم من قبائل تيزي وزو الجزائر انا اسعد واحد بهذا المنتخب الف مبروك شرفتمونا شاهدت المباراة بشغف، والله أكبر جمعتنا ولمتنا زى زمان عقبال مانتجمع كلنا معاك فى الجنه بصحبه الرسول عليه الصلاة والسلام وال جاى أحلى مع ابو هشيمه، والنبى عينو الطقم البرتغالى بالكاميرات بتاعته عشان احنا اتعمينا من طقم الاذاعه والتلفزيون.