فى إطار تواصل الرئيس عبد الفتاح السيسى الدائم مع الشباب، استدعى الرئيس السيسى شاباً قاطع المتحدثين فى جلسة "اختلاف الحضارات والثقافات.. صدام أم تكامل"، طالبا الكلمة أمام الرئيس، قائلا: "أنا زويل التانى"، ما جعل الرئيس يستدعيه ويستمع لكلمته.
وخاطب السيسى الشاب قائلا "إحنا عاملين الكلام ده كله عشان كل شباب مصر وشباب العالم يتكلموا.. وأنا هنا مش بتكلم فى الحب، لكن أنا عايز اقول لك إحنا بنعبر عن نفسنا وكل اللى بنتكلم به والطريقة اللى بيتكلم بيها الناس بتشوفها وبتحكم علينا بيها، وعشان كده بقولك تعالى وقول اللى أنت عايزه".
وبعد حديث الرئيس الودى، رد الشاب : "انا أسف.. بس أنا عالم مصرى وبقالى ثلاث سنوات من الكفاح شغال على مرض الفشل الكلوى، وعملنا الكلى الصناعية قابلة للزراعة فى جسم الإنسان بما يعنى إنه مش هيبقى فيه فشل كلوى تانى، والسبب فى ده إن والدى توفى منذ 3 سنين متأثرا بهذا المرض، وأنا أخذت هذا المرض عدوا ليا".
وقدم الباحث المصرى أسطوانة للرئيس السيسى تحتوى على دراسته فى مرض الفشل الكلوى، قائلا "إحنا شغالين وعايزين نوصل صوتنا.. وأنا بتكلم فى العلم وهى ثقافة هدفها أن تُنقل من دولة إلى أخرى للتعبير عن إن مصر بتوصل فى هذا المجال".
وعلق الدكتور مصطفى الفقى، رئيس مجلس أمناء مكتبة الإسكندرية، على استدعاء الرئيس عبد الفتاح السيسى لشاب قاطع المتحدثين فى جلسة "اختلاف الحضارات والثقافات.. صدام أم تكامل"، مداعبا الباحث المصرى قائلا "الرئيس نده لك أنت حظك من السماء يخرب بيتك".
وتعقد الجلسة الأولى لفعاليات منتدى شباب العالم بالقاعة الرئيسية بمركز شرم الشيخ الدولى للمؤتمرات، تحت عنوان " اختلاف الحضارات والثقافات.. صدام أم تكامل".
ويتحدث فى الجلسة 10 شخصيات أبرزها عبد الله بن زايد وزير خارجية الإمارات، والأمير حسن بن طلال ولى عهد الأردن السابق، والدكتور مصطفى الفقى مدير مكتبة الإسكندرية، والدكتور زاهى حواس وزير الآثار الأسبق.