شعبان عبد الرحيم: محدش هينجح فى الانتخابات غير السيسى وكل المرشحين ضده شوية "حبشتكنات".. المطرب يتساءل:"هو خالد على بيبيع كشرى ولا بيشتغل إيه بالظبط".. وسامى عنان بيترشح للرئاسة بأمارة إيه.. ويعلّق:"ا

من المطربين الشعبيين القلائل الذين ارتبطت أغانيهم بالمشهد السياسى، وأثاروا حالة من الجدل على الساحة، إنه المطرب المعروف شعبان عبد الرحيم، يأتى ذلك منذ غنائه أشهر أغانيه "أنا بكره إسرائيل" عام 2001 وهاجمته وقتها صحيفة "يديعوت أحرونوت" الإسرائيلية، وقالت إن أغنية هذا المطرب تحمل الكثير من العنصرية تجاه إسرائيل، وعندما احتج "شعبولا" بأغنية على إعلان الرئيس الأمريكى دونالد ترامب والذى تضمن أن القدس عاصمة لإسرائيل، قالت نفس الصحيفة الإسرائيلية إن المغنى المصرى احتج على قرار ترامب بطريقته الخاصة. شعبان عبد الرحيم طوال الفترة التى تلت 25 يناير وهو لم ينفصل أبدا بأغانيه عن الواقع السياسى، وكوّن مع الشاعر الغنائى إسلام خليل ثنائيا وطنيا ناجحا فى الدفاع عن البلد.. وبما أنه لا حديث فى الشارع الآن، إلا عن الوضع السياسى والانتخابات الرئاسية، أعلن "شعبولا" دعمه الكامل للرئيس عبد الفتاح السيسى، حيث يقول :"إنه السيسى يا جماعة، هو فيه زى السيسى، محدش هينجح غيره إن شاء الله، كل المرشحين قدامه شوية حبشتكنات، محدش يعرفهم، والواحد عمره ما سمع عنهم ولا يعرف حتى بيشتغلوا إيه"، ويعلق :"إيه الأسامى الوحشة دى اللى بنسمع عنها إنها داخلة الانتخابات إيه ده"؟. وأضاف المطرب خلال تصريحاته لـ "انفراد"، قائلا :"قالوا لى فى واحد مرشح للانتخابات الرئاسية اسمه خالد على، أنا عايز اعرف مين ده، وبيشتغل إيه؟"، متسائلا :"هو خالد على بيعمل إيه؟.. بتاع كشرى يعنى ولا إيه؟.. أصله أنا معرفوش، وأول مرة اسمع عنه بصراحة، لو كان فاتح محل ولا حاجة ممكن الناس تروح تشترى منه لكن تنتخبه لا، ده حتى اسمه وحش، ولو نفسه يبقى رئيس يخلوه رئيس محافظة الإسكندرية ولو إنها كبيرة عليه". ويستكمل الفنان :"اللى هيجننى أكتر سامى عنان، نفسى اعرف الراجل ده بيترشح بأمارة إيه؟، فين الأمارة اللى عايز يترشح بيها سامى عنان، ده عمره ما عمل حاجة حلوة للبلد"، ويعلّق :"عايز اقولهم ارحمونا وارحموا البلد خلينا نكمل مسيرتنا الناجحة زى عباد الله بقيادة السيسى، مترجعوناش ألف سنة لوراء تانى، إحنا ما صدقنا ربنا بعت لنا السيسى". ويواصل "شعبولا" حديثه :"يا جماعة الرئاسة متنفعش لحد غير السيسى، ده حتى لو جيت تغنى أغنية، تلاقى اسم السيسى مرسوم لها على الوزن والقافية، مثلا تقول :" السيسى رئيسى"، لكن التانيين أساميهم وحشة حتى ماتنفعش تغنى لهم غنوة، السيسى مفيش زيه وماينفعش حد يترشح جنبه، هو اللى هيكسب طبعا، لان محدش يقدر يعمل الحاجات اللى هو عملها فى أقل من 4 سنين". ويتحدث المطرب الشعبى عن إنجازات الرئيس قائلا :"مفيش دكر يقدر يعمل اللى الرئيس السيسى عمله، سواء فى الطرق والكبارى والإسكان والمصانع والاستصلاح الزراعى، وغيرها، ولا حد هيحظى بمعاملة رؤساء العالم واحترامهم زى السيسى، التانيين اللى عايزين ينجحوا محدش يعرفهم فى العالم، ولا فى الدول العربية، آخر حدودهم شرم الشيخ، غير كده انسى، لكن رؤساء العالم كلهم يحترمون الرئيس السيسى وعاملين له الف حساب، كل الناس تحترمه وتحبه وأى حد غيره كان مسك البلد كنا اتسوحنا، احنا قبله مكناش بنعرف ننام، كنا مرعوبين الناس تدخل علينا البيوت وتموتنا، البلد كانت بتنهار وبتضيع لولا هو جه انقذها، مصر محدش هينفعها غير السيسى.. بس خلاص". واختتم شعبولا حديثه، موجها الشكر لرجال الشرطة فى عيدهم الـ 66، واصفا إياهم بعيون الوطن الساهرة، الذين يتفانون فى خدمة بلدهم، ولفت إلى أنه غنى لهم فى عيدهم أغنيته :"عيد الشرطة السنة دى أحلى عيد، ربنا يحمى اللى عايش ويرحم الشهيد".








الاكثر مشاهده

رابطة العالم الإسلامى تنظم غداً مؤتمر "بناء الجسور بين المذاهب الإسلامية" فى مكة

د.العيسى يلتقي رئيس جمعيات الصليب الأحمر والهلال الأحمر على متن سفينة "أوشن فايكينغ"

10 أسئلة وإجابات حول تعديلات قانون تملك الأجانب للأراضى الصحراوية.. برلماني

الشيخ العيسى: يمكن للقيادات الدينية أن تكون مؤثرة وفاعلة فى قضيةٍ ذات جذورٍ دينية

رابطة العالم الإسلامي تُدشِّن برنامج مكافحة العمى في باكستان

جامعة القاهرة تنظم محاضرة تذكارية للشيخ العيسى حول "مستجدات الفكر بين الشرق والغرب"

;