اعترف المقاول الهارب محمد على بممارسة أعمال البلطجة منذ شبابه، وفرض "أتاوات" على كل من يلجأ إليه لمساعدته فى استرداد أموال بقضايا "شيكات" مقابل الحصول على نسبة من تلك الأموال، وذلك عن طريق خطف صاحب الشيك واحتجازه فى أحد المخازن بمنطقة العجوزة.
وقال الهارب فى مقابلة تليفزيونية: "أبويا كان بطل كمال أجسام وكنا عايشين فى العجوزة، وكان يمتلك محل إكسسوارات وبعد كده فتح محل ذهب صغير، ولو جه حد يرفع قضية بشيك، كان البعض يقولوله فيه الكابتن "على" فى العجوزة ممكن يجيبلك الفلوس دى بس بياخد نسبة".
وأضاف المقاول الهارب: "كنا بناخد الشيكات وأبدأ أتعامل مع صاحب الشيك أخطفه وأجيبه المخزن لحد ما يرجع الفلوس وبعد كده أخد الأتاوة".