انتقد الإعلامى عمرو أديب، تجاهل جمهور السوشيال ميديا، مشروع المليون ونصف فدان، وبدء حصاد محصول قمح بالفرافرة.
وتابع أديب عبر برنامجه "القاهرة اليوم": إيه التفاهة دى، مفيش حد اتكلم عن سنبلة قمح واحدة، واهتموا بوجود وزير الداخلية أو كلام الرئيس إنه مش بيخاف، أو حديثهم عن الكورنيش، ومقارنة موقفه بالحديث مع المواطنين بموقف حسنى مبارك، وعلق: "ده شعب "تويتر" ده شعب تافه ومهمته القلش، ولم يهتم بأكل أو شرب الشعب".
واستطرد أديب: "كله قلش، طيب حد سأل الكلام ده فوائده الاقتصادية إيه؟ طيب هتخزنوا القمح ده فين؟ وكل مرة يوم ما يحصل أى حاجة كويسة أو وحشة بنبقى قدام شعب بيقلش، وبعدين إيه التفاهة دى".
وأردف أديب: "أظن اليوم ده الوحيد اللى انبسط هو الجيش، أما الباقى بقى بيقول أنا مش بخاف أو حكاية الكورنيش أو وزير الداخلية ومحدش جاب سيرة القمح".