أكد الرئيس عبد الفتاح السيسى، أن مصر دولة تحترم القانون وأن الدول لا تقاد إلا بالقانون الداخلى أو الدولى وبالحقائق وليس بالهوى ولا المزاج.
وأضاف خلال كلمته بإفطار الأسرة المصرية بأحد فنادق القاهرة، اليوم الثلاثاء: مش عايزين نشكك فى بعض ونخون فى الآخرين.. مفيش كده.. إحنا فى مهمة إنقاذ وطن.. الخطر مازال قائما وإحنا مشمرين سواعدنا، عايزين نغير للأفضل.
وأشار الرئيس إلى أن مستشاريه أبدوا له نصيحة بعدم الحديث عن الجدل المثار حول اتفاقية تعيين الحدود لكنه أصر على مصارحة ومكاشفة المواطنين كما عودهم منذ توليه رئاسة الجمهوري: اللى قالوا حتى متعملش الاجراء دا حتى الانتخابات.. هى الأوطان بتباع وبتشرى ولا إيه؟ عشان مصالح أشخاص!.
وتابع: محدش يقدر يخدع ربنا أنا بعمل دا أمام الله إن فرطت هيحاسبنى. وفى أول مؤتمر للشباب هنتكلم فى الموضوع دا.. الموضوع خلص لكن معندناش حاجة نخبيها هى الناس عمرها ما شافت ناس شرفاء ولا إيه. فى ناس عندها شرف مبيتباعش، حقوق الناس ترد ليها مش بالحروب.