هاجم الإعلامى عمرو أديب، الدكتور عباس شومان وكيل الأزهر الشريف، بسبب تصريحاته حول الحادث الإرهابى الذى استهدف المصلين بمسجد الروضة الإرهابى، والتى رفض فيها تكفير الإرهابيين الذى قاموا بالعمل الشنيع ببئر العبد، والاعتراف بأن ما يفعلوه وراءه فِكر بداخلهم.
وقال أديب، ببرنامج "كل يوم" المذاع عبر فضائيةON E: "هو مش حاسس بالمصيبة.. وكيل الأزهر مش فاهم إن الناس دول مستندين بالقرآن والسنة.. وعندهم فقه.. وعندهم شيوخ ماشيين عليهم ملايين من المسلمين.. إزاى أنت متعرفش يا مولانا؟!".
وأضاف عمرو أديب: "لما أنت مش عارف إن ده عنده فكر وشريعة.. هتعالجه إزاى؟ والناس دى عندها فكر وجاى من شيخ من شيوخ الإسلام المعتبرين الموجودين اللى أنت بتدرسه فى الأزهر.. اللى يقتل ده مش فِكر؟ أومال اللى قتلوا السادات دول عندهم إيه.. بيض بالبسطرمة.. فكِر طبعا.. وكان لديهم مفتى اسمه عمر عبد الرحمن".