بالصور.. "كل حاجة والعكس" الرجال قاعدين والبنات واقفة فى عربة السيدات

نشرت صفحة انتفاضة المرأة على موقع التواصل الاجتماعى فيس بوك، صورا للعربة مخصصة للسيدات فى قطار بنها – منوف، لتظهر حالة غريبة من الفوضى حيث تقف السيدات والرجال يجلسون على المقاعد. وكتبت الصفحة، "الصور من قطار ( بنها - منوف ) من شهر يناير اللى فات تم تخصيص عربة بالقطار للسيدات عشان الزحمة والمشاكل الكتير اللى بتحصل فى القطارات لكن على الورق بس تم التخصيص إنما الفعلى غير ذلك".

وأضافت، "دلوقتى هتلاقوا تحت كل يافطة مكتوب عليها مخصصة للسيدات فقط اللى قاعدين رجالة، وأن الستات أصحاب الحق فى العربة واقفين منتظرين هجومكم علينا من بعض الفئات كالعادة وأننا بنشوة صورة المجتمع بس الحقيقة إحنا مش بنشوة المجتمع هو بالفعل مشوه إحنا بننقل صورة حية للواقع وبننشره للكل".