قال المحامي جمال عيد، مدير الشبكة العربية لحقوق الإنسان، إن زميله المحامى الحقوقى نجاد البرعى مدير المجموعة المتحدة للاستشارات القانونية استعان به بالأمس من أجل شراء ملابس للسجن.
وأضاف "عيد" فى تدوينة له على موقع التواصل الاجتماعي "فيس بوك": " مساء أمس إتفقت مع نجاد البرعي على لقاء بعد الفطار، اتقابلنا حوالي الساعة 9مساء، سألته حنروح فين، قاللي عايزين نروح نشتري حاجة الأول سوا".
وأضاف "رحنا على جراند مول في المعادي، و فوجئت انه عايز مساعدتي في شراء ملابس للسجن !!، مبقتش عارف أحزن ولا أضحك ؟!.. لما صاحبك المهدد بالسجن يطلب مساعدتك باعتبارك رد سجون "سابق ومتوقع" في نوع ملابس السجن".
نجاد البرعى وتابع " نجاد راجل انيق ونهم للحياة، اتكسفت أقول له أن أشهر تجار لملابس السجن فى التوحيد والنور، ضحكت واحنا بنختار تيشرتات بيضاء ماركة أديداس أو ماركات زيها، لكن مفيش بنطلونات؟ قنعته بتأجيل الشراء أمس".
ومضى "وطول قعدتنا على كافيه في شارع 9، وانا بفكر في خدعة نجاد، خدعة بيضا، نجاد بيتعامل مع الموضوع بشكل بسيط وعادي ومتوقع، تعامل تختصره كلمة "طز" !! انا عندي ملابس للسجن، ملابس بيضا للحبس الاحتياطي، وملابس زرقاء للسجن".
واختتم المحامي تدوينته بـ"زعلان ، ولا مبسوط ، مش عارف أوصف شعور اتنين أصحاب على كافيه مليان شباب وشابات مليانين اقبال على الحياة، واحنا بندردش على شكل الحبسة وفين وامتى ومع مين!!، ولا يقطع الدردشة غير طلب نجاد من الشاب المسئول على الشيشة إضافة فحم".