"الميكانيكي بيقولك " .. تعرف علي مكونات نظام التعليق الامامي و الخلفي لسيارتك وكيفية حمايتها

معظم قائدي السيارات يجهلون مكونات و اجزاء سيارتهم مما يجعلهم عرضة للنصب و التلاعب من قبل اصحاب ورش اصلاح السيارات كما يجعله يقف عاجزا عند حدوث عطل بالسيارة لعدم إلمامه بمكوناتها و اجزائها و في هذا الاطار يعرض " انفراد " بالتفصيل مكونات و اجزاء نظام التعليق " العفشة " للسيارة :

اولا : مكونات العفشة الامامية :


1- قطمة الدركسيون - الإسكاترة (علبة دركسيون أو الجريدة المسننة )
2 - تيش دركسيون داخلى - تيش دركسيون خارجى (بارة طرف الدركسيون)
3 - مقص علوى واخر سفلى (فى كل جنب)
4 - كاوتش ميزان (فى كل جنب)
5 - كوبلن خارجى وآخر داخلى مع اكس توصيل (فى كل جنب)
6 - طنبورة ديسك امامى وجهاز فرامل (فى كل جنب)
7 - مساعد + سوستة + بطاحة (فى كل جنب)
8 - بيضة شمعدان (او مسمار ميزان) (فى كل جنب)
9 - شمعدان (فى كل جنب)
10 - بلية طنبورة (بلية العجل) (فى كل جنب)
11 – 4 كاوتشات تراب (فى كل جنب)


مكونات العفشة الخلفية :


تتكون العفشة الخلفية من عفشة مستقلة للجنبين وروابط متعددة الوصلات:
1 - جلبتين ركب
2 - كاوتشات ميزان
3 - شدادين
4 - مساعد + سوستة
5 - مقصين خلفيين
اولا : جلب الركب :
ودي بتركب عند اخر الركبة الخلفية ومهمة جدا وبتفرق جامد اوى فى ثبات العربية , وراحتها فى المطبات وعدم الاحساس بالمطب , و بتعلى العربية لما بتكون سليمة , وبتخلى العربية ماتهبطش اوى حتي مع التحميل
ثانيا : كاوتشات الميزان (مسمار الميزان) :
ودي مهمة جدا فى راحة العربية واتزانها على الطريق مع السرعات
ثالثا : الشداد:
ودة بيكون ماسك جسم العربية بالجنب الخلفى وبيتكون من كاوتشتين من اعلى واسفل
بالنسبة للمساعد والمقص نفس الكلام هينطبق فى العفشة الامامية على العفشة الخلفية وتم شرحها مسبقا فى الاعلى
فى النهاية اشياء مهمة عشان تظبط العفشة :
1- تغير كاوتش الميزان كل سنة او كل 15000 كيلو
2- الكشف على الكبالن
3- تغير مايلزم من كاوتشات او جلب لضمان صلاحية باقى الاجزاء

للحفاظ على الكبالن :
1 - بالنسبة للناقل المانيوال يتم الضغط على بدال الدبرياج عند الدخول فى المنعطفات الحادة ( الاتوماتيك يجيب الوضع على الN ثم الرجوع للD4 مرة اخرى
2 - الاهتمام بابقاء كاوتشة التراب الخاصة بالكبالن سليمة والكشف عليها دائما
3 - عدم الضغط على البنزين بشدة فى المنعطفات , او الانعطاف بسرعة
4 - طبعا الامركة , والخمسات بيدمروا عفشة السيارة


الاكثر مشاهده

بصفار البيض والماء.. اقضى على مشاكل شعرك الجاف فى 30 دقيقة فقط

غدا.. برنامج "عندما تغنى الدراما" فى حلقة خاصة لـ"تحرير سيناء" على صوت العرب

حكاية مركز تصميمات الموضة مع "الست هانم" اليوم على شاشة الفضائية المصرية

صور.. اختفاء معسكرات الإرهابيين عقب ملحمة الواحات.. نجاح العملية سيناء 2018 منع زحف المتطرفين للظهير الصحراوى الغربى.. تفكيك الخلايا قطع طريق الانتحاريين إلى المعسكرات.. ومداهمة البؤر الإجرامية منعت ت

"العربى" تشارك بـ53 إصدارا فى معرض أبوظبى الدولى للكتاب عام 2018

إيه الفرق.. أبرز الاختلافات بين هاتفى Moto E5 Plus و Moto G6 Plus

;