أعرب الرباع المصرى محمد إيهاب، عن شكره وامتنانه للجماهير التى استقبلته فى مطار القاهرة، مؤكدا أن تشجيعهم سيحقق كل الأحلام فى أولمبياد طوكيو.
وقال إيهاب، "بشكر كل الناس اللى باركتلى وفرحت لفرحى على الذهب وتحطيم الرقم العالمى، واللى جالى المطار النهاردة على راسى من فوق واللى مجاش كفاية ليا دعوة من القلب بالتوفيق".
وقال محمد إيهاب، "بعتذر لعدم الرد على معظم الرسائل الخاصة وبعتذر كمان على عدم القدرة على الموافقة على كل طلبات الصداقة، أتمنى منكم متعتبرهاش غرور عشان أنا كل رصيدى دعائكم وتشجيعكم ليا للوصول للحلم الكبير، وبعون الله كل أحلامنا محققة وثقتنا بالله فوق كل التوقعات".
وخاض محمد إيهاب منافسات وزن 81 كجم، فى بطولة العالم بدولة تركمنستان، حقق 3 ميداليات بواقع ذهبية الخطف وبرونزيتى الكلين والمجموع محققا رقع عالمى جديد، بينما احتل وحيد شعبان المركز الـ18 فى وزن 73 كجم .
