أعرب جهاد جريشة، الحكم الدولى، عن استياءه من نشر المكالمة الفاضحة التى تسببت فى الإطاحة برئيس لجنة الحكام أحمد وجيه، قائلاً" أناشد جمال علام رئيس الاتحاد الكرة وعصام عبد الفتاح عضو مجلس الإدارة والمسئولين عن التحكيم يجيبولى حقى .. أنا أنسان محترم وحكم محترم وإفريقيا كلها تشهد بنزاهة جهاد جريشة.. لكن لما يتقال عنى كلام زى ده من رئيس لجنتى يبقى عيب أوى و مينفعش، أنا حكم بيمثل مصر فى المحافل الدولية والمكالمة تمس سمعتى وشرفى.. جهاد نضيف وهيفضل نضيف، وحقى هاخده سواء عن طريق اتحاد الكرة أو المسار القانونى .. وحقى مش هسيبه".
وأوضح جهاد جريشة، خلال مداخلة هاتفية ببرنامج "مساء الانوار" مع الإعلامى مدحت شلبى، والمذاع على قناة "أون تى فى"، أن حال عدم قيام اتحاد الكرة برد اعتباره وأعطاءه حقه، سيقوم باتخاذ الإجراءات القانونية، مضيفاً "فؤجئت بالكلام ده، وأنا مش حبيب حد ولا عدو حد.. و بنزل الملعب برضى ربنا فى شغلى ومعنديش فرق بين أهلى وزمالك وإسماعيلى ومصرى، وعيب أوى لما يطلع مسئول من مصر يقول كلام زى ده".