تقدم طارق سعيد، مدير فريق السلة بنادى الزمالك، باستقالته مؤكدا استحالة استمراره فى ظروف عمله وصعوبة التوفيق بينه وبين عمله كمدير للفريق، وفقا لما نشره طارق سعيد عبر صفحته بموقع التواصل الاجتماعى فيس بوك، ولعدم قدرته على تقديم أى جديد فى الوقت الحالى للفريق، مع ترجيبه بخدمة النادى فى أى وقت إذا طلب منه فى أى وقت من خارج النادى متطوعا.
ونشر طارق سعيد، عبر صفحته بالفيس بوك، "3سنين مروا من وقت ما رجعت بيتى تانى نادي الزمالك ٣ سنين بحلوهم ومرهم انتصارتهم وانكسارتهم أزماتهم وانفراجتهم تجربة اتعلمت فيها كتير وعرفتنى معادن وشخصيات ناس كتير حواليه، رجوعى مكنش شغل ولا وظيفة بمعناها، ده كان غيره علي فريقي فريق السلة و حزني علي بعده عن منصات التتويج وإيمان مني أن مجهودي وإخلاصي للنادي اللي اتربيت فيه ممكن يساعد أنه يكون في مكانه الطبيعي التاريخي متصدر دايما ، حاولت و نجحت و حاولت و آخفقت ، أصبت و اخطأت، بس النيه كانت خالصه في جميع الأحوال لمصلحة الفريق و الزمالك بدون أي مصلحة شخصيه او استفادة جانبية أو انتفاع و اتمني اكون تركت اثر كويس بعد بذلي قدر المستطاع في حدود المتاح .
النهاردة بعتذر عن استكمالي المشوار و اعتذاري عن الاستمرار اسفآ في العمل في بيتي داخل أسوار النادي مع إستعدادي لخدمة سلة نادي الزمالك إذا طلب مني في أي وقت من خارج النادي متطوعا و ذللك لاستحالة الاستمرار لظروف عملي و الصعب التوفيق بينه و بين تواجدي مع الفريق و ايضا لعدم قدرتي علي تقديم أي جديد في الوقت الحالي ممكن يفيد الفريق و الي هو كان سبب اساسي في تواجدي اصلا في مجال اللعبة في نادي الزمالك (بيتي)
بشكر كل واحد اشتغلت معاه كان قلبه علي المكان و بس يبقي الاحترام و الود و العلاقات الطيبة
