برة الملعب .. فريدة الوشاحى لاعبة سبورتنج :نفسى أكون ممثلة وبحب منى زكى

بعيدًا عن الرياضة وملاعبها وصالات المنافسات هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققت على أيديهن، ويظهرن من خلاله اهتمامهن بحياتهن الشخصية وهواياتهن، ونجمة اليوم فى برة الملعب هى فريدة الوشاحى لاعبة فريدة كرة اليد بنادى سبورتنج، والتى تشارك فى العديد من البطولات على مستوى الشباب والناشئين. ما هوايتك المفضلة بعيدا عن الرياضة ؟ القراءة ، خاصة الكتب ، في أي وقت غير مرتبطة ببطولة او تدريب لازم أقرأ كتاب . ما الأكلة التى تتميزين فى طبخها ؟ الفراخ البانيه ، رغم أنها أكلة سهلة لكن بعملها بطريقة مختلفة . من نجمك المفضل ؟ في كرة اليد أحمد الأحمر ، لكن في الفن أحمد حلمى من مطربك المفضل ؟ الهضبة عمرو دياب طبعا لو لم تكونين لاعبة كنتى تتمنى تكونى إيه ؟ ممثلة ، نفسى أكون ممثلة لما تتعاكسى فى الشارع .. ايه بيكون رد فعلك ؟ ولا أي حاجة ، مش برد أصلا خالص مين من نجمات السينما كنتى تتمنى تكونى مثلها ؟ منى زكى أكيد بحبها جدا ، لانها حلوة في كل حاجة بتحبى الملابس الكاجوال و لا الفورمال ؟ الكاجوال بيكون أفضل في الحركة و الخروج ومناسب للرياضيين ولو هترتبطى تحبى ترتبطى برجل رياضى فى تخصصك ولا وظيفة تانية ؟ طبعا أفضل الأرتباط بشخص رياضى لو طلب منك تسيبى الرياضة هتعملى ايه ؟ مش هوافق طبعا ، أكيد هرفض