برة الملعب ..فرح موسى لاعبة السباحة : تفسى أكون ممثلة وعازفة ..وبحب مى عمر

بعيدًا عن الرياضة وصالات المنافسات هناك جانب آخر فى حياة اللاعبات على صعيد الألعاب الفردية أو الجماعية، هذا الجانب تتجرد فيه اللاعبات من البطولات والألقاب التى تحققت على أيديهن، ويظهرن من خلاله اهتمامهن بحياتهن الشخصية وهواياتهن، ونجمة اليوم فى برة الملعب هى فرح موسى لاعبة السباحة فى النادى الاولمبى والتى تعد من أبرز نجمات اللعبة لما شاركت فيه من بطولات عديدة على صعيد الناشئات ، وتتألق أيضاً من حيث الشياكة والأناقة خارج صالات المنافسات. ما هوايتك المفضلة بعيدا عن الرياضة ؟ انا بحب التمثيل اوى و كنت بعزف على الة الكمان ، و سبتها عشان الكورونا و مكملتش ما الأكلة التى تتميزين فى طبخها ؟ الملوخية و الأرز و المكرونة من نجمك المفضل ؟ أحمد زاهر ، بحب اعماله جدا من مطربك المفضل ؟ تامر حسنى لو لم تكونين لاعبة كنتى تتمنى تكونى إيه ؟ ممثلة او عازفة كمان لما تتعاكسى فى الشارع .. ايه بيكون رد فعلك ؟ تضحك وتقول ..لا أرى لا اسمع لا اتكلم مين من نجمات السينما كنتى تتمنى تكونى مثلها ؟ مى عمر بحبها أوى. بتحبى الملابس الكاجوال و لا الفورمال ؟ الكاجوال طبعا بيكون أسهل فى التعامل و الحركة ومناسب للرياضيين أكثر. ولو هترتبطى تحبى ترتبطى برجل رياضى فى تخصصك ولا وظيفة تانية؟ طبعا فى تخصصى او رياضى عشان يقدر ظروفى . لو طلب منك تسيبى الرياضة هتعملى ايه؟ هنتناقش و نشوف المصلحة و اللى فى المصلحة نعملوا.