أكد الإعلامي سيف زاهر، أن ما حدث في تنظيم نهائي دوري أبطال أوروبا من شغب واقتحام الملعب يدل على أن مصر الأفضل في التنظيم عن أوروبا وعلينا أن نفتخر لبلدنا.
وقال سيف زاهر، خلال تقديمه برنامج ملعب أون تايم المذاع على قناة أون تايم سبورتس: "لو اللي حصل النهاردة كان في مصر كنا شفنا السوشيال ميديا كلها هجوم على المسئولين والمنظمين، لكن لما شافوا كل الشغب والاقتحام في باريس وإوروبا محدش فتح بقه، ليه ساكتين اطلعوا قولوا الحق إن مصر الأفضل وأبطال الشغلانة، وإحنا في حتة تانية مش أوروبا".
وأضاف سيف زاهر: "المفروض كلنا نشكر مؤسساتنا على كل النظام والتنظيمات اللي حصلت ونفتخر بها ونكتب كده.. والله العظيم إحنا في حتة تانية وتالتة وهم اللي لازم يتعلموا منا، آه لو كانت المباراة في مصر كنا سمعنا تقطيع وهجوم مش هينتهي ولكن علشان في أوروبا هيعدي".
وتوج فريق ريال مدريد بلقب دوري أبطال أوروبا للمرة الـ14 في تاريخه، بعد فوزه بنتيجة 1-0 على نظيره ليفربول الإنجليزي، خلال المباراة التي جمعت الفريقين مساء السبت على ملعب "دي فرانس"، في نهائي دوري أبطال أوروبا للموسم الحالي 2021-2022.
وجاء هدف ريال مدريد عبر البرازيلي فينسيوس جونيور في الدقيقة 59 من كرة سريعة أمام المرمى، من تمريرة فيدي فالفيردي من الجهة اليمنى.
وشارك النجم المصري محمد صلاح من بداية المباراة مع ليفربول حتى النهاية، وقدم أداء رائعا، لكن الحظ العاثر وقف أمام تسجيله للأهداف.