ميدو منتقدا الجبلاية: أخذت عهد على نفسى بأنى لن أهاجم الحكام أبدا

انتقد أحمد حسام ميدو، المدير الفنى لفريق وادى دجلة، ازدواجية تعامل الجبلاية بين الأندية والحكام، وتفريق الأندية الكبيرة على الأندية الصغيرة. وكتب ميدو، عبر حسابه على تويتر: "أخذت عهد على نفسى بأنى لن أهاجم الحكام أبدا، بس أنا فاكر إن قبل التوقف اتحاد الكورة أوقف 4 مدربين فى أسبوع واحد لأنهم جابوا سيرة الحكام"، مضيفا: "أنا شايف إن كله عامل مش واخد باله من المدربين اللى بتهاجم الحكام الأسبوعين اللى فاتوا، هو القانون كان معمول أسبوع واحد ولا ايه؟". وتابع ميدو: "دلوقتى هتشوفوا إيه اللى هيحصل، هينقوا مدرب غلبان ماسك فرقة غلابة وهيجيب سيرة الحكم هيترزع 3 ماتشات"، موضحا: "مباراة الأهلى خسرنا المباراة بهدف عندما تم استئناف اللعب والحكم يتحدث معى وضهره للملعب وماتكلمتش علشان ماحدش يقول ميدو بيهاجم الحكام، بس أنا شايف كل المسؤولين فى الأندية الكبيرة بيهاجموا الحكام عادى مدربين ومديرين كورة بيهاجموا الحكام عادى بعدما مباراة".