الفنانة علا رشدى: تعرض للتحرش زى معظم السيدات ولازم توعية (فيديو)

شاركت الفنانة علا رشدي متابعيها وجمهورها عبر حسابها الرسمى على موقع التواصل الاجتماعى "إنستجرام" بمقطع فيديو جديد تتحدث فيه عن التحرش، معلقة: "التحرش.. موضوع مهم جداً محتاجة اتكلم معاكوا فيه، وكان نفسى الصوت يبقى أوضح بس آلة جز الأعشاب والزرع (معرفش اسمها ايه) اشتغلت و مخدتش بالى". وقالت علا رشدى فى مقطع الفيديو، إنها تعرضت إلى التحرش من قبل شخص وصفته بالمريض، مضيفة: "للأسف أنا شوفت هوجه على موضوع التحرش .. ومريت بيه زى معظم السيدات.. بيبدأ ببصة إلى اغتصاب.. ومكنتش عايزة اتكلم عن الموضوع ده غير لما يكون عندى حلول أو نصائح". View this post on Instagram موضوع مهم جداً محتاجة اتكلم معاكوا فيه وكان نفسي الصوت يبقي اوضح بس آلة جز الأعشاب والزرع (معرفش اسمها ايه) اشتغلت و مخدتش بالي 🤦‍♀️🤦‍♀️ A post shared by Ola Roshdy (@ola.roshdy) on Jul 21, 2020 at 3:41am PDT وأَضافت :"التحرش بقأ عادى من الراجل عشان هى ست مش عشان لابسة حاجة عريانة.. الراجل عنده فكرة أن الست دى طالما ست يبقى يعمل فيها أى حاجة.. وشايفة أن الوعى والتعليم مهمين جدا عند تربية ولادنا وبناتنا .. نعلم أولادنا أن جسمهم ده ما ينفعش حد يلمسه أو يستحقره". وأثارت قضية التحرش بالفتيات ضجة واسعة على منصات السوشيال ميديا فى الآونة الأخيرة، فيما شاركت العديد من الفنانات فى حملة ضد المتحرشين من بينهم الفنانة رانيا يوسف. وفى وقت سابق، شاركت الفنانةعلا رشدىبصورة مع زوجها الفنان أحمد داوود وأبنائها عبر حسابها بموقع "إنستجرام"، خلال قضاء عطلتهم، معلقة عليها قائلة "يا رب العمر كله ماسكين إيد بعض وطايرين فوق". وكانت شاركت علا رشدى صورة لها برفقة النجمين نيللى كريم وآسر ياسين عبر حسابها الرسمى على "إنستجرام"، معلقة عليها مازحة: "أنتم فين يا عمر وسكر؟؟ مفيش نصباية جديدة؟! ماجى محتاجة فلوس..وحشتونى أوى.. العصابة كلها وحشتنى". وعرض مسلسل "بـ100 وش" فى رمضان 2020، وهو مسلسل من بطولة نيللى كريم، وآسر ياسين، ومصطفى درويش، وعلا رشدى، وإسلام إبراهيم، شريف الدسوقى، وحنان يوسف، وسلوى محمد على، وزينب غريب، ودنيا ماهر، ومحمد عبد العظيم، وسارة التونسى، ولؤى عمران وعدد آخر من الفنانين ومن تأليف عمرو الدالى وأحمد وائل، إخراج كاملة أبو ذكرى. وجسدت نيللى كريم شخصية كوميدية تدعى "سكر" تعمل فى صالون حريمى، إلا أنها تستهوى النصب، فتسعى لإجراء عمليات نصب، تمكنها من جنى الأموال، تجعلها تتمكن من شراء "كوافير" خاص بها وتتوالى الأحداث، مسلسل "بـ100 وش" تأجل عرضه من العام الماضى، حيث كان من المفترض أن يعرض فى رمضان الماضى، إلا أن ضيق الوقت حال دون تصويره فى الوقت المحدد، وأرجأت الشركة المنتجة تصويره وعرضه إلى رمضان 2020.