فيفى عبده تنفى إصابتها بـ"كورونا": عندى دور برد

نفت الفنانة فيفي عبده ما أثير على منصات السوشيال ميديا في الآونة الأخيرة حول إصابتها بفيروس كورونا المستجد، مؤكدة أنها لم تصب بـ"كوفيد 19"، مشيرة إلى أنها قد تكون أصيبت بدور برد، طالبة من جمهورها الدعاء لها. وقالت الفنانة فيفي عبده في مقطع فيديو شاركته عبر حسابها الشخصي على انستجرام :"تحية مني لكل الناس.. أولا بشكر كل الناس اللي سألت عليا وقت الشدة وكنت عيانة... النهاردة الظاهر عندي دور برد عشان كنت بصور برا في الهواء.. وحشتوني جدا... وفي الحقيقة أنا برضه محتاجة الدعاء بتاعكم". View this post on Instagram A post shared by Fifi Abdou (@fifiabdouofficial) وأضافت :"أنا معنديش كورونا، وكنت محافظة على نفسي، ويمكن موضوع رجلي اللي مكنتش قادرة امشي عليها حصل من ربنا عشان مروحش مكان وأصاب فيه بالفيروس... عشان كده بطمن جمهوري عليا". وتابعت :"الحاجه الثانية، الله يرحم كل اللي توفوا سواء زمايلي أو غير زمايلي.... والشباب المتهور اللي مش بيسمع الكلام وبيفكر أن الموضوع بسيط وأن كورونا موضوع هيتلم وهيعدي ببساطة... أنا لما كنت بضحك وبقول مكرونة وكورونا ولازنيا مكنتش أعرف أن موضوع كورونا صعب خالص كدة، ومكنتش متخيلة أن الفيروس هيكون بالطريقة دي، طبعا عرفت أن موضوع كورونا مش سهل وبيضيع أرواح وملوش دعوة لا بسن ولا غيره، وخطر جدا". وفي وقت سابق، حرصت الفنانة فيفى عبده، على الدعاء لخبير التجميل ومصفف الشعر محمد الصغير، بعد مروره بأزمة صحية إثر إصابته بفيروس كورونا "كوفيد 19". وكتبت فيفى، عبر حسابها على إنستجرام، قائلة: "من فضلكم ادعوا لمحمد الصغير يقوم بالسلامة وربنا يشفيه ويعافيه يا رب".