كشفت الإعلامية سمر يسرى، عن تعافيها من فيروس كورونا، بعد أسبوعين من إصابتها، وقالت في تصريح خاص لـ"انفراد": الحمد لله بقيت بخير والنهاردة كان اليوم الـ13، وعملت المسحة وطلعت سلبية.
وأضافت الإعلامية سمر يسرى، أنا وبنتى وزوجى أُصبنا بفيروس كورونا في وقت واحد واتعالجنا في وقت واحد والحمد لله عملنا المسحة سوا، وكلنا بقينا تمام وكويسين، الحمد لله قدر الله وما شاء فعل.
وتابعت سمر يسرى: أنا اتصابت بعد حلقة هند صبرى على طول، ولكن طبعا محدش هيقدر يعرف مين أخد الفيروس من التانى، ممكن أنا وممكن هي وممكن حد تانى خالص؛ لأن في الشغل بنقابل ناس كتير فمتقدرش تعرف الفيروس هايجيلك منين، ولكن المهم إننا بقينا كويسين وبقينا تمام.
واستكملت سمر يسرى: الحمد لله لم أعانِ من أعراض ثقيلة، وكلها كانت خفيفة زى البرد العادى، شوية كحة، وأول ما حسيت بيها روحت عملت المسحة وطلعت إيجابية، وعزلت نفسى على طول؛ لأن لازم أخاف على الناس حولى وعلى أهل بيتى.
واستطاعت الإعلامية سمر يسري أن تثبت جدارتها وقدرتها على محاورة كبار النجوم في مصر والوطن العربى، وانتزاع أقوى التصريحات من ضيوفها دون التجريح في حياتهم الخاصة من خلال برنامج "يوم ليك" المذاع على قناة الحياة، والذى حل خلاله ضيوف كبار، مثل: راغب علامة وهند صبرى ومحمد الشرنوبى وغيرهم.