هشام سليم عن "هجمة مرتدة": أحسن أدوارى.. ونضال الشافعى: المتحدة تهتم بتميز مسلسلاتها

علق النجم الكبير هشام سليم، عن دوره فى هجمة مرتدة، قائلا: "فرحان بالمسلسل ومن أحلى الحاجات لكل الممثلين اللى عملوها، والمخرج أحمد علاء الدين عينه وإصراره على تقدم الشخصيات اللى هو شايفها جعلت المشاهد واقعية وصريحة".

وأضاف، خلال مداخلة هاتفية مع الإعلامية جاسمين طه، عبر برنامجها مساء دى أم سى المذاع على قناة إكسترا نيوز: "شخصية مخابرات صعبة جدا.. وإزاى الناس دى تروح بيوتها وتنام لو عندهم كل المشاكل دى وأمن قومى بلد.. وإزاى اللى بيحب الشغلانة دى ينام".

وتابع: "الممثل لازم يستجمع كل التجارب اللى عاشها وبعد كده بنترجم كل الخبرة بتعاتك فى الشخصيات اللى بتقدمها.. وتحمست وخوفت فى نفس الوقت لأن ده مسئولية.. وأهم حاجة الناس تصدقنا، لولا أداء هند صبرى وأحمد عز ومحمد جمعة ونضال الشافعى وندى وكلنا.. والناس مش هتصدق إن أنا يشتغل فى مخابرات.. ومن أحسن الأدوار اللى عملنها كلنا".

وعلق الفنان نضال الشافعى: "سعيد بعمل وطنى كبير وشرف لأى فنان انضم لهذا العمل وبيجسد بطولات عظيمة.. وبتمنى من زمان يكون ليا الشرف فى عمل وطنى مع نجم كبير زى أحمد عز وهند صبرى والنجم الكبير هشام سليم.. والحمد لله ربنا رضانا الناس مندمجة مع الإحداث اللى بتحصل وبيعرض الهجمات الشرسة اللى بترتكبها الجماعات الإرهابية ضد مصر".

وتابع، خلال مداخلة هاتفية بالبرنامج: "نحن بنقدم حدوتة من المخابرات المصرية ولابد من تقدم عمل يلق بما يقدمه للوطن.. والشركة المتحدة بتهمم أن يكون إنتاجها للمسلسلات متميز جدا وعلى المستوى، وبتقدم مجموعة أعمال عظيمة وهناك وعى كامل ويقدمها بشفافية كبيرة، ولزيادة الوعى والوطنية".

وعلق الفنان محمد جمعة، "أعمال لازم نشوفها لأننا عشنا الأحداث دى وهناك تساؤلات كتير جدا نظرا لسرية هذا الملف ولكن الإدارة بشكل عام بتقدر تخاطب المشاهد حاليا.. وهناك حرية المعلومات لازم نكون مواكبين العصر، وبنقدم ملف أحداث من 2007، وبيجاوب على تساؤلات المواطنين على الأحداث.. وعرفت حاجات كانت غايبة عنا.. واللى محتاج يعرف الإجابات يتفرج على هجمة مرتدة".

وأضاف، خلال مداخلة هاتفية مع الإعلامية جاسمين طه، عبر برنامجها مساء دى أم سى المذاع على قناة إكسترا نيوز: "حاجات مسجلة هتظل مدى الحياة وبنحاول قدر الإمكان بيتعمل فيها حوار بشكل صريح وواضح وأحيانا اضطر أنقل الحوار زى ما موجود بالظبط بسبب أنه لا يمكن أن نجود فيه، وهناك مشاهد بيبقى فيها حرية فى الكلام عادى".



الاكثر مشاهده

رابطة العالم الإسلامى تنظم غداً مؤتمر "بناء الجسور بين المذاهب الإسلامية" فى مكة

د.العيسى يلتقي رئيس جمعيات الصليب الأحمر والهلال الأحمر على متن سفينة "أوشن فايكينغ"

10 أسئلة وإجابات حول تعديلات قانون تملك الأجانب للأراضى الصحراوية.. برلماني

الشيخ العيسى: يمكن للقيادات الدينية أن تكون مؤثرة وفاعلة فى قضيةٍ ذات جذورٍ دينية

رابطة العالم الإسلامي تُدشِّن برنامج مكافحة العمى في باكستان

جامعة القاهرة تنظم محاضرة تذكارية للشيخ العيسى حول "مستجدات الفكر بين الشرق والغرب"

;