جورج وسوف: بروح الحفلات عشان أفرح أنا والجمهور مع بعض

حل سلطان الطرب جورج وسوف، ضيفاً في برنامج "صاحبة السعادة" مع الفنانة والإعلامية إسعاد يونس، المذاع على قناة Dmc، وأعرب جورج وسوف عن سعادته باستقباله عددا من الشباب في القاهرة بالهتافات ورافعين بعض الصور الخاصة به وعلق قائلاً: "لو الجمهور مستنى عشان يتصور معايا مش معقول أعز عليه صورة". وأضاف جورج وسوف: "أنا بروح الحفلات عشان أفرح أنا والجمهور مع بعض، واستقبالهم ليا بيفرحلى قلبى وبيغذى ليا حياتى الجمهور بيفرحلي قلبي وبيغذيلي حياتي". وبسؤاله عن أولاده قال جورج وسوف: "أولادى أصبحوا شباب وكل واحد مشغول بعمله، أما ابنتى "عيون" حضرت حفلة لى في الأردن لأول مرة، مشيرا إلى أنه لا يعلم هل تسمع أغانيه أم لا لأنها لا تعيش معه ولكنها تعيش مع أمها دائما ولكنها تشبهنى هي وجورج جدا". وأضاف جورج وسوف: "أنا بغنى للعاشق والغلبان واللى فاقد حبيبه واللى ابنه مسافر، وبغنى لكل الناس وبغنى بإحساس كأني مكانه". وطمأن جمهوره على صحته قائلاً: "أنا الحمد لله كويس وبقضى يومى زى كل يوم، بتفرج على التليفزيون وبأطّلع على أخبار العالم". وعن اتجاهات الغناء هذه الأيام قال جورج وسوف: "اتجاهات الغناء في علم الله، وأنا مش ضد أغانى الشباب الجديدة وأنا مع كل حاجة جديدة، وبحاول أعاصر الشباب وأغنى لهم كمان، لأن لو معاصرناش الجيل ده تبقى مصيبة".