أوضح الفنان أحمد زاهر أن سبب اختفاء ابنتيه ملك وليلى عن الساحة الفنية منذ خمس سنوات قائلا، فى مذاكرة وامتحانات وانا شايف انهم يبعدوا أفضل فى فترة المراهقة، ولما يكبروا ولو حبوا يرجعوا بقى يرجعوا كبنات كبيرة مش اطفال.
وتابع: لازم يحصل فاصلة بين الطفلة اللى طلعت فى فيلم "عمر وسلمى" وبين رجوعها وهى بنت شابة ودى وجهة نظرى، خاصة وان كم من الفنانين كانوا بيمثلوا فى كل مراحلهم العمرية وكانوا نجوم ولما كبروا توقفوا تماما ومبقاش حد بيطلبهم عشان اتحرقوا كتير اوى ومحدش بيطلبهم عشان فى ذهن الناس انهم دايما الاطفال.
وأشاد زاهر بتجربة النجم كريم عبد العزيز قائلا، طلع وهو صغير جدا واختفى لغاية لما طلعلنا وجه جديد فى فيلم "أضحك عشان الصورة تطلع حلوة" ووقته شفناه وجه جديد مش الطفل اللى مثل وهو صغير، وهو ده اللى عاوز اعمله مع ملك وليلى.