نشر الشاعر عبده محمد على الشيمى، من قنا، كلمات شعرية بعنوان "التحدى" مؤكدًا قدرة الشعب المصرى على الصمود والمقاومة.
إحنا قبلنا التحدى،
وبأمر ربنا ببلدنا هنعدى لبر أمان،
أهم حاجة يا أخوى يدك بيدى
دا الفرقة شينه
حاجة أكيد مش زينه
هنعدى هنعدى
إيد تحرس حدودها
وايد للمجد تبنى
والمولى قادر يصونها
ومركبها فى البحر تجرى
يا ريس يا اللى ع الدفة
وصى اللى ماسك شراعها
وقله إن بلدنا بعون الله
محدش يقدر يلوى دراعها
وشاهد الزمان ع اللى فداها بروحه
وع اللى بالرخيص باعها
ميعرفشى الحزين انه بلدنا طويل باعها
أرض تجلى فيها الكريم
لموسى الكليم بطورها
أرض مشا فيها المسيح
ببركته فاحت عطورها
أرض دخلها دين الإسلام
زاد نورها،
مذكورة بكل كتاب وربها بيصونها
ميقعدش ولازم يمشى اللى فى نيته يخونها
صفحه حزينه واقلب الصفحه
واكتب من أول السطر،
اكتب كلام بالأمر
السمرة تستاهل
وخلى المحاكم تحاكم اللى قتلوا الناس غدر
افتح لشبابها بابها بالعمل والصبر.
وبص للغلابة واتوصى يا ريت بالأجر
وحاسب المستغل اللى
بيزود فى أسعاره
وبيكرس فى ماله
وبالأمانة للمشاكل حل
وخلى بالك ع الفلاحين
المطحونين
اللى زرعتهم هى اللى حيلتهم
قوت البلد وعصب قوتها،
ولو حسبنا المسألة بالدراع
فلاح البلد هو فتوتها
ثورته جوه أرضه
موقفشى فى ميدان
ولا عطل عمل، وكل الأمل
بلده تكون بأمان
ميكنشى فيها جعان ولا عريان
رحلة يا ريس ميدانه
دا من زمان شايل الطين
محدش فى البلد زاره
وخلى المصانع تضاعف انتاجها
دا احنا شعب بكلمة حلوة
بنعتبرها هى زادنا
اتوسع فى الصحاري
وخلى الشباب فى البال
المرحلة صعبة وعايزة
الرجال قدام
مستحيل، هيكون فى اول الصف خاين أو جبان
واهتم بالمعلم اللى بيعلم
كل جيل
بالعلم بلدنا هتعبر شط المستحيل
يا رب ارزقها، وعينها، وسدد
خطاها، قولو يا سامعين
أمين، أمين،