سألنا البنات فى عيد الحب إيه اللى لازم يتحب غير الرجالة؟ اعرف الإجابات

اعتدنا يوم عيد الحب أو أى مناسبة رومانسية، أن نسمع من البنات عبارات موجهة للرجال أشهرها "عايزة ورد يا إبراهيم" ولكن فى الآونة الأخيرة، أصبح مفهوم النساء عن الحب أوسع كثيرا، وربما أكثر نضجًا وأصبحن يعرفن أن هناك الكثير من الأشياء التى ينبغى أن يحبونها قبل أن يبحثن عن حب الرجل. ولأننا في عيد الحب المصرى سألنا الفتيات: "ايه الحاجات اللي تتحب اكتر من الرجالة؟" فكيف كانت الإجابات؟ قالت سندس. م صاحبة ال30 عاما لـ"انفراد": "كنت مرتبطة عن حب سنتين اكتشفت اني بدي كتير والطرف الثاني بياخد بس، بعد ما انفصلنا عرفت إني لازم احب نفسي أولا عشان الطرف التاني يقدرني". أما مها. ز السيدة الاربعينية فقالت: "فلوسك ودهبك، دي الحاجات اللي تتحب لأنها مستقبلك، لما تكبري مفيش راجل هينفعك ولو زهق هيشوف زوجة تانية، إن مكانش بيخونك". سماء. ف طالبة بأحد الكليات ومرتبطة حاليا قالت: "انا وخطيبي بنحب بعض جدا ولو فيه حاجة تتحب اكتر منه فهي مستقبلي العملي وكياني، الظروف متضمنش، والزمن غدار لازم أكون مسنودة بتعليم وشغل كويس". فيما قالت فرحة. س الزوجة العشرينية: "الشوبينج والخروجات والأكل، بحبهم أكتر من جوزي، ولو مزعلني بيقولي تعالي نخرج نعمل شوبينج الاقي نفسي صالحته على طول".

عبير. ا سيدة ثلاثينية كان ردها مختلفا بعض الشىء حيث قالت: "ابي وامي، دول اكتر حاجة في حياتي لازم احبها، عمرهم ما هيتعوضوا، لانهم حبوني زي ما انا، ومتقبليني على أي حال بالرغم من مرضي وتعبي اللي زوجي اشتكى منه، إلا أن والدتي صاحبة ال60 عاما بتروح معايا كل جلسات علاجي دون كلل او ملل".








الاكثر مشاهده

هيدى كرم: وضع الفتاة خطيبها أولوية عن نفسها ضد الطبيعة

اعلان نتيجة مسابقة أفضل مكتبة ومد الدراسة بالدراسات العليا 3 أسابيع بجامعة المنوفية

مدرب فيتا كلوب: لا أخشى مواجهة الأهلي وسنبذل أقصى ما في وسعنا

الكونجرس: نستعد للتهديدات المحتملة ضد مجمع الكابيتول

رئيس الوزراء الأرمينى: مستعدون لإجراء انتخابات برلمانية مبكرة قبل نهاية العام

الأمن يكشف هوية المتهم بقتل شاب داخل شقته فى السلام

;