"الارتباط فاشل ليه؟".. 7 تغريدات هتقولك الأسباب من وجه نظر الشباب

يعيش الشباب حالة من الحب والارتباط والخطوبة قد يعجب كل طرف بالأخر، إلا أن تلك العلاقات غالبا ما تفشل أمام عدم فهم طرف الأخر وعدم التوافق فيما بينهم، الامر الذى يؤدى إلى فشل التجربة، والعيش فى تعاسه وحالة من الضيق، فى ذلك الإطار شارك العديد من الشباب من خلال هاشتاج :"الأرتباط فاشل ليه" الذى تصدر منذ قليل قائمة الأكثر تداولا بموقع تويتر، حيث عبر كل شخص من خلال تغريدته عن أسباب ذلك وفقا لوجه نظره، لما يمر به الفرد من تجارب حياتيه. وكتب أحمد المسعود، أحد المغردين عبر الهاشتاج:" ببساطه بسبب عقلية الشباب اللي شايفين الارتباط مجرد حركة جريئة ومش عارفين كم المسئولية اللي مقبلين عليها" وغرد أبو الوفا:" على حسب احتكاكي بالحوار ده، أغلبه بيفشل عشان تغير الصورة النمطية بمرور الوقت، والمواقف، والافكار، والطباع ودا بصورة عاملة دون التطرق الى تفاصيل عزيزي التويتري". وترى أخرى:"الارتباط اقصد الزواج هو الوسيلة الوحيدة لتنظيم علاقه الرجل بالمرأة في جميع الأديان .. مفيش ارتباط فاشل فيه شخص فاشل أو زوجه فاشله او سوء اختيار يا جماعه نركز في الاختيار "، وعبر إسلام عن رأيه من خلال الهاشتاج قائلاً :" لعدم وجود تكافؤ وتوافق اجتماعي وثقافي بين الزوجين بالإضافة لعدم وجود قدرة على تحمل المسئولية". وتفاعلت سمية من خلال الهاشتاج:"فيه أسباب كتير بس مفيش حد كامل في الدنيا دي لازم كل واحد يحب التاني بمحاسنه وعيوبه ويتقبلها عشان يقدر يعيش مع الشخص التاني". من جانب أخر، كتب كريم: "الفشل بيكون مرتبط بعقليه الطرفين أو كفاية طرف واحد يكابر في الغلط او مايكونش عاوز يصلح حاجات مش مناسبه الطرف التانى وإن الناس فاهمة الفكرة غلط مرتبطين ببعض علشان نريح بعض و نحاول نوصل لأعلى درجه من الاتفاق مش علشان اللي يمشي كلمه ويبقى المسيطر بغض النظر عن الصح".