فساتين بسلك المواعين والجرجير.. "أمل" تصمم أزياء ببقايا الطعام والمخلفات

عشقت عالم الأزياء فكانت تقضى وقتها فراغها بالإطلاع على تصميمات الفساتين المختلفة، وكل ما هو جديد ومختلف فى عالم الموضة، حتى بدأت تصمم فى خيالها تصميمات مختلفة من الفساتين، واستغلت موهبتها الفنية فى رسم التصميمات على الورق وتستخدم بقايا الطعام والفواكه والنقود الورقية فى تجسيد الفساتين، التى نسجتها فى خيالها. تحدثت أمل محسن الصاوى، البالغة من العمر 30 عاماً، وحاصلة على ليسانس كلية الأداب لغات شرقية قسم لغة عبرية، عن موهبتها الفنية فى رسم الفساتين بالمخلفات، حيث قالت لـ" انفراد":" أنا من زمان بحب الفساتين وبحب أبتكر تصميمات مختلفة ولما اتجوزت حسيت بفراغ خاصة إنى مش بشتغل، فابتديت ارسم تصميمات لفساتين على الورق وانشرها على مواقع التواصل الاجتماعى، وابتديت اتعرف بس بشكل محدود لحد ما بدأت أصمم بمخلفات والحكاية بدأت بالصدفة كنت بعمل فستان وقدامى الشاى فكرت إنى استخدمه فى تجسيد الفستان اللى رسمته". تابعت:" بحس بمتعه لما بستخدم مواد صعبة فى تجسيد الفستان، واستخدمت أكلات كتير زى السكر والشاى والرز ولسان العصفور ووالخضار والخس والجرجير والنعناع وورق البنجر وغيره وكمان استخدمت مخلفات صلبة زى إزإز مكسور وأطباق مكسورة وسلك مواعين وكان مياه غازية ووأكياس قمامة وشيكولاتة وغيرها كتير". وعن رد فعل الناس على تصميماتها التى تطرحها على جروبات السوشيال ميديا المتخصصة فى مجال الموضة والفن، قالت :" الحمد لله، الناس منبهرة بشغلى، بس برضه مش بحس إن ده أحسن حاجة ممكن أعملها خصوصاً إنى مش دارسة تصميم أزياء". تحلم أمل بأن تشاهد تصميماتها من الفساتين فى أتيليه خاص أو على جسد إحدى النساء، ولكن يقف بينها وبين هذا الحلم بعض التحديات التى ذكرتها قائلة:" الصعوبات إنى مش قادرة أنفذ التصميمات لأنى مش بعرف أخيط، عشان كده نفسى أتعلم الخياطة عشان أقدر أنفذ أى تصميم بشكل إحترافي ويعجب الناس".
























الاكثر مشاهده

"لمار" تصدر منتجاتها الى 28 دولة

شركة » كود للتطوير» تطرح «North Code» أول مشروعاتها في الساحل الشمالى باستثمارات 2 مليار جنيه

الرئيس السيسى يهنئ نادى الزمالك على كأس الكونفدرالية.. ويؤكد: أداء مميز وجهود رائعة

رئيس وزراء اليونان يستقبل الأمين العام لرابطة العالم الإسلامي محمد العيسى

جامعة "مالايا" تمنح د.العيسى درجة الدكتوراه الفخرية في العلوم السياسية

الأمين العام لرابطة العالم الإسلامي يدشّن "مجلس علماء آسْيان"

;