تداول رواد مواقع التواصل الإجتماعى، صفحة على الفيس بوك تحت اسم "السراج لأعمال البلطجة"، ويوجد بها عروض لأخذ حقوق المواطنين، من خلال تأديب سائقى التاكسى والميكروباص، بأسعار تتراوح بين ألف جنيه وألفان، وكذلك إعادة السيارات المسروقة.
وقالت الصفحة فى بيان لها:" بمناسبة شهر رمضان عملنا تخفيضات شويه على الاسعار بتاعتنا ودلوقتي لو فيه جار ليك بيبلطج عليك ومش عايزك تركن العربية بتاعتك أو بيبوظلك اي حاجه ف الشقه او العماره دلوقتي تقدر تاخد حقك منه".
وتابعت :" لو فيه حد خبطلك عربيتك وما رضاش يصلحهالك , سواق ميكروباص خبطك شتمك سرقك اي حاجه تقدرت تبعتلنا واحنا هناخدلك حقك في وقت اقل من اسبوع.. لو دكتور جامعه او مدرس بيستقصدك وبيسقطك علشان مشكله او ما بتاخدش عنه درس ايا يكن تقدر تبعتلنا وناخدلك حقك".
وقالت :" لو عربيتك اتسرقت ممكن تبعتلنا وان شاء الله هنرجعهالك وناخدلك حقك من الحرامية ولو حد مش راضي يدفع الفلوس الي عليه سواء ديون , جمعية , مأجر منك شقه ابعتلنا.. لو حد عمل معاكو زي مطعم جابريال بتاع المهندسين تقدر تبعتلنا واحنا نكسر المطعم على دماغ صحابه.. من النهارده مفيش حد هيبات مظلوم خلاص , كل الناس هترجعلها حقوقها , وهتاخد حقها".
