"أميرة يسرى" قررت أنها تلتحق بعالم الـ"Dj" وتكون أول "D j player" بنت فى مصر، فعندما وجدت أنها ستتميز فى هذا المجال، عقدت العزم على دخول المهنة ومعرفة أسرارها والوصول إلى العالمية فيها، ليس هذا فحسب بل أنها سافرت إلى عدة دول أجنبية ظلت فيها طيلة 15 عاما لاكتساب الخبرات ونقلها إلى مصر.
قالت "أميرة يسرى" لعدسة "فيديو 7"، قناة انفراد المصورة، إنها خاضت تلك التجربة عن يقين، معللة بذلك أنها تحب "المزيكا" وكانت تعمل فى مجال "الانترتيمنت" لفترة كبيرة من الوقت جعلتها تكتسب خبرات يوم بعد يوم فى هذا العالم.
وتابعت "يسرى"، أنها تعى وتعلم ما يسمعه المصريين، لذا كانت تعمل طوال هذه الفترة على تطوير تلك المهنة فى مصر، مستكملة "ليا أصحاب كثر فى كافة دول العالم من روسيا إلى اليابان والصين وألمانيا وإيطاليا ولبنان.. إلخ، وقدراتهم فى المهنة غير عادية فهم متميزون للغاية وتعلمت منهم".
وأوضحت، أنها قررت الدخول وخوض التجربة واللعب بـ"المزيكا"، وعندما تعلمت وجدت ردود فعل إيجابية من كل من سمع لعبى بالمزيكا، لاننى قدمت جديدة بطريقة عالمية، "الدى جى" علم مش "راكا" وخلاص أو لاب توب شغال لوحده، ده تحكم فى مستوى الصوت وازاى اتعامل مع اللى الناس بتسمعه.
وأكدت، "أنا بحاول أدخل الخبرات اللى اتعلمتها بره مصر وانقلها لبلدى عشان الناس تسمع مزيكا حلوة، وبحب اسمع عمرو دياب وفؤش وحماقى".
واستكملت، "مفكرتش قبل كده إيه اللى هيحصل لما يكون فى بنت فى مصر بتلعب دى جى.. أنا كنت عايزة اجرب حاجة وبكامل إرادتى، حتى الموسيقى اللى بلعبها انا مقتنعها بيها.. وبقول لكل بنت أو ولد متخافوش لو عندكم حلم حاولوا تحققوه، ولو بتحب حاجة اشتغل عليها خطوة خطوة ومتخليش حد يهدم حلمك وبعشق مصر بلدى".