شاركت القارئة ابتهال عصمت سيد بقصة كفاح والدتها وأبيها فى عيد ست الحبايب.
وقالت القارئة: "أمى هى فخر لينا كلنا، وقصة كفاح فى تربية أربع بنات، كلنا ولله الحمد بفضلها وبفضل أبونا أصبحنا ما نحن فيه الآن، ربونا تربية صالحة ولله الحمد".
وتابعت القارئة: "نفسى الدنيا كلها تعرف إزاى أحنا بنحبهم، وربنا يبارك لنا فيهم، تعبوا معانا وتجاهلوا العبارات الهدامة بأن البنات كفاية يتعلموا تعليم متوسط بما أننا من حى شعبى بيشوف البنت مسيرها لبيت جوزها وبس وبرغم كل التحديات والظروف اللى مروا بيها عشان يربونا ويعلمونا".
وأكملت القارئة: "استطاعا أن يجعلونا فخرا لأنفسنا ولهم، كلنا مؤهلات عليا من كليات قمة، و له الحمد، ومنا من أخد الدكتوراة، ومنا من يكمل دراسته فى الماچستير، ومنا من تدرس الآن فى الخارج دراسات عليا، وكلنا تزوجنا وأنجبنا أطفال نحلم بتربيتهم مثلما فعل أبى وأمى معانا .. فنحن بنات أم عظيمة و أب عظيم".
ووجهت القارئة رسالة إلى أمها وأبيها قائلة: "بنحبكوا أوى.. بحبك يا ماما وبحبك يا بابا.. ربنا يطول فى عمركم ويخليكوا لينا ولأحفادكم ويشفيكوا ويعافيكوا يارب ويكرمكم زى ما أكرمتونا وجيتوا على نفسكوا كتير علشانا".