محمد زكريا حبيشى يكتب: لمسة إيديها

لمسة إيديها مُشكلة وإيديا مش مِستحملة بـ تقربك وبـ تبعدك بـ تفوقك و بـ تسكرك و الروح معاها مكمله مسترسله فـ الحسن آه و بـ تفتنك و بـ تخطفك و بـ أريحيه و بساطه بـ تسكنك و تحن لَك أجمل مَلك من كل أوهام الحياه من حتى روحك تنشلك لو تترسم ( ليوناردو دافينشى) معاها يتظلم صوت ضحكها محتاج لـ بيتهوفن بـ سرعة يُفك شَفرة سحرها ( كيوبيد ) بـ نفسه لو فـ يوم شافها وهى بـ تبتسم كان أنقسم كان اتهزم وعِرف بإن الحُب واحه ف قلبها من قبلها كان كل شىء ف الكون عَدم حاول يقارن ( أفلاطون ) بين سحر عينها وبين مدينته الفاضلة لكن عَجز يطرح مُقارنة مُنصفة بين المدينة و بين شوارع قلبها ( بيكاسو ) حاول نحتها أوقات كتير لكن فشل ما قدرشى ينحت زيها محتاج سنين علشان يقرب من ملامح وشها ( هيردوت ) غِلط لما افتكر مصر بـ تاريخها و فنها هى الهبة للنيل بتاعنا من زمن لكن قِدر تانى يرتب فكرته لما اكتشف نبع الحنين جواها مصدر للحياه وسط الوطن ( كليوباترا ) لو شافت مجرد مَشيها كانت هـ تنهار كل يوم من طبعها و بـ سرعة هـ يتوه فِكرها كانت هـ تبقى لها الوصيفة والخدم بـ يزيد ندم كل اللى مش حالُفه القدر يوم وصَلها و الكل مجبور يتبهر لو يوم هـ يعرف فَصلها أو أصلها دا فـ رمشها تكعيبه للعشاق بـ يكبر كل مادا ضِلها علشان كده الكل مَفتون بـ القمر بس الأهم إن القمر مفتون بـ مين فـ اتعلمى أرجوكى جنبى تفضلى واتعاطفى مع قلبى الحزين خايف يعيش العمر محروم من أمل محتاج يقرب لك قوى طول الحياة وتحس بيه أجمل عينين