يا ناس أنا بها صاحى وعنها مش نعسان
ولا على عمرى اللى فات بحضنى نادمان
قدمت حبى ليها ليل نهار والله أنا هايمان
اخلاصى كؤوس عرق حبها مزة صحيان
مع شمس الصبحية غنوة أمل بها سكران
***
يا ناس شبابى لما مع الربيع سبق الورود
عشقى لها حبات عملت من عمرى عنقود
لكل نهر شطين أنا حبى لها مالوش حدود
سريرها قلبى وطرحتها تنور مننا الخدود
اسأل أيامى تقولك احنا على الحب شهود
***
خوفى عليها ناى غنى معايا لها كام موال
لما سمعتنى جاوبتنى بأمل من غير سؤال
وعشت فى محراب حبها أنسج لها إسدال
ولما أنام أشوفها فى العلالى فوق الجبال
أحط راسى تحت رجليها وارفعها بالأفعال
***
مش خايف من العطش من حبها بأشرب
ساعات كتير من خوفى عليها لها بأهرب
اكتب على صفحة دموعى حبى لها أقرب
أناجى قلبى صبرا أنا بس والله باستغرب
الرويبضة اتكلموا سادوا والجو اتكهرب
***
عرقى بيسأل ليه فى عز الحر أنا سقعان
غيرى لهط عرقى وبدد كل الأمل بحيران
زمن البناية كان لسه ماجاش لأبوه زمان
كانت أيادينا بتزرع وتحصد تعمر الكثبان
أنا ظنى حسن بالله والسنة ونور القرآن
***
يا ميزان العدل ساوى بينا بالعدل الكفتين
جيوبى بنار الأسعار ولعت بالخوف أنين
ولما اتلفت حواليا وأشوف كل البراهين
أقول يا شهداء بلادى بأرواحكم عايشين
إحنا بشمسية الأمن والأمان كدا راضيين