صور.. طلاب جغرافيا جامعة طنطا يحتفلون بتخرجهم مع أطفال مستشفى 57357

اختار طلاب قسم جغرافيا بجامعة طنطا، عمل حفل تخرجهم بشكل مختلف، بدلا من انفاق الكثير من الأموال على إظهار حفل تخرجهم بشكل جيد، وبنفس الوقت يساهمون بعمل خير. ووقع اختيار الطلاب على احتفالهم بتخرجهم مع أطفال مستشفى 57357 للسرطان، وجمعوا مبالغ مالية من كل فرد بالدفعة لشراء مستلزمات وهدايا للطلاب، وذلك تحت مسمى مبادرة "سفراء الخير"، بشماركة رئيس قسم الجغرافيا د.عبدالرازق الكومي. وقال محمد عياد، أحد طلاب الدفعة، لـ"انفراد" :" قررنا عمل حفلة تخرج بشكل مختلف.. وجدنا حفلات التخرج وصلت تكلفتها لعشرات الآلاف ولكن بشكل موازٍ وجدنا أعداد ضخمة مبتشاركش ونفسها تفرح كمان بتخرجها". وتابع :"شاركنا فرحتنا مع الأطفال واتشاركنا معاهم الألعاب والهدايا.. حاجة عظيمة جدا لما نفرح بتخرجنا ونفرح أطفالنا معانا ومش بس كده وفى جزء من التبرعات تم وضعها فى أظرف وتقديمها للمحتاجين". وأضاف :"نفسنا المبادرة تدخل كل جامعات مصر وكل الأجيال اللى جاية ويبقى كل سنة بيتخرج الآف الشباب وجايبين معاهم الخير لأهل البلد.. والمبادرة مش هدفها بس 57 المبادرة، هدفها نشر سياسة المحبة والتعاون والتبرع لكل حاجه فى بلدنا نجاحها متوقف ع الفلوس أو موافقة الشباب". وأشار إلى أنه تم جمع مبلغ صغير من كل طالب يتراوح من 50 إلى 100 جنيه من إجمالى حوالى 130 طالبا، منقسة إلى 8 مجموعات على مدار التيرم.