(1)
- الشرطة تقتل 5 متهمين يُرجح أنهم على صلة بمقتل الطالب الإيطالي .
ايوا يا ريس برايز.. قول إن الطالب الإيطالي مات في حادث سير ؟ منفعش ؟ طيب خلاص طلع الريس يقول إن إللي قتله الإخوان !! بردوا مش مصدقين؟؟ طيب هات واحد يشهد إن ريجيني كان بيتخانق مع مواطن ايطالي تاني ورا السفارة وبيشتمه يقوله " مكرونة سباكتى".. ممممم مش نافع بردوا.. طب خلاص خلاص؛ اقتل بقى 5 اشخاص في عز النهار وسط الشارع ونقول إننا بنشتبة فيهم في قتل الطالب .. إللي هو إحتمال يمكن اه يمكن لأ .. هوا حد بيدور ورانا .
(2)
- النائبة آمنة نصير: ربما نجد آبار بترول أو كنوز من الأرض تعافى الاقتصاد المصرى
نظرية حزلقوم .. بتعرف تسوق ؟؟ مش عارف.. مش يمكن لما أجرب أطلع بعرف بسوق .
(3)
- مصطفى بكرى للمصريين: لازم تستحملوا ارتفاع الاسعار لان العالم كله يتآمر على السيسى
مش عارف يا جماعة.. بس قلبي واكلني وحاسس إن مستوى الأستاذ مصطفى بكري قل جدا.. مبقتش بحس .. مبقاش بيبهرني أبدا
(4)
- زاهي حواس : ثورة يناير حدثت لأن احد الأثريين نفخ في "بوق الحرب" الخاص بتوت عنخ أمون .
طبعا سيول الاسكندرية كان سببها إن واحد "طرطر " في البوق.. البلد مبقاش فيها حد عاقل والله
(5)
- محافظ الأسكندرية : مشاكل المحافظة الأساسية هي مخالفات المباني وزيادة 2 مليون مواطن، ما أدى لأزمة فى الصرف الصحي.
أزمة الصرف الصحي.. ومعروفة نبطل نأكل الناس هناك كرونب وقرنبيط ... إنما أزمة الناس دي مش هينفع معاها غير هولوكوست وأفران غاز يا باشا .. و تقصفونا بغاز الخردل مثلا
(6)
اللواء محمد الشهاوي : ما حدث في بركسل يطمئن الشعب المصري بأن الإرهاب لم يضرب مصر فقط؛ بل العالم أجمع .
دي حاجة كدة زي اللي هيتقالنا لما المفاعل ينفجر.. إطمنوا ؛ مفاعل تشيرنوبل إنفجر قبل كدة ومش إنتوا لوحدكوا إللي هتموتوا بالنووي
(7)
- الخارجية المصرية: على المواطن الأمريكى سؤال حكومته لماذا تمول منظمات مخالفة فى مصر.
المواطن الامريكي طبعا اول ما عرف إن مصر طلعت بيان.. ساب كل إللي في إيده وجري عالتلفزيون علشان يعرف تعليمات الحكومة المصرية ليهم إية.. وأنباء عن تحرك أتوبيسات من محافظات الأقاليم الأمريكية للتظاهر ضد حكومتهم تلبية لنداءات الخارجية المصرية.. امجانيييييييييييين
(8)
- جريدة الوطن : "خناقة" بين قائد قطار و سائق تاكسي بسبب أولوية المرور .
اه والله.. أولوية المرور.. سواق القطر نزل إشتبك مع سواق الأجره عالمزلقان.. والركاب نزلوا يحوشوا بينهم .. إتفرجوا عالصور.. وأي حد يحاول يقولك طب ومصر اخبارها إية ؟ إبقى خليه يقرا الخبر دا..
(9)
- مدير أمن الغربية يؤكد: حفل صافيناز في موعده؛ ونؤمنه بالكامل .
يد تحمل السلاح .. ويد تؤمن الصاروخ .
(10)
- السيسي: المؤسسات خربانة.. ومبارك جاب البلد عالأرض .
وبينما أنا كنت شايفه بيجبها عالأرض.. كنت بضربله تعظيم سلام .. وبتجسس عالناس إللي بتعارضه وبنوفر معلومات عنهم لأمن الدولة للقبض عليهم .. وساجن حاليا الناس اللي عملت ثورة عليه.. زي ما انا كنت رئيس المخابرات الحربية وحماس بتسيطر على حدودنا وتقتحم السجون وتقتل الظباط وتحرق الأقسام.. زي بردوا ما انا كنت رئيس دولة وحماس بردوا ربنا وفقها كمان مرة واخترقت مصر وقتلت النائب العام... وانا بردوا قاعد بتفرج .
(11)
- رئيس الزمالك يطلق اسم «أحمد الزند» على مكتبة النادي الجديدة بميت عقبة .
هوا أي نعم القرار لسة فيه كلام وغالبا مش هيتنفذ.. بس والله إحنا الزمالكاوية حمالين أسية في البلد دي.. جربتوا تكهربونا طيب !!
(12)
- غرفة الصناعة والتجارة: انخفاض الصادرات 20% وانخفاض الواردات 1% وزيادة استيراد السلع الاستهلاكية 13%
حضراتكم ثبتوا سعر الصرف.. وبعدين زودتوه.. وبعدين قللتوه.. وبعدين عومتوه .. جربتوا تولعوا في الجنية كنوع من أنواع التفكير برا الصندوق .. واهو يرتاح من قلة القيمة دي !!!
(13)
- صندوق تحيا مصر : مبادرة صبح على مصر جمعت حتى الأن 4 مليون جنية .
إحنا لو استمرينا بالمعدل دا.. ممكن نجمع تمن شقة في التجمع
(14)
- وزير التموين يتفق مع شركات الصرافة على تحديد سعر يومي للدولار والإعلان عنه في وسائل الإعلام.
وزير التموين؟ تحديد سعر الدولار؟ البلد دي مفيهاش حد شغال شغلانته أبدا .
(15)
- روزاليوسف تنشر نص مكالمة الطالب ريجينة مع والدته : قال لها " سأقابل شخصية إخوانية "
ايوا يا ماما ؛ انا هقابل شخص إخواني علشان نعمل شوية اعمال ارهابية ضمن حروب الجيل الرابع .. والبضاعة معايا .. والفلوس كمان معايا .. تيك كير يا بيبي
شايفك ياإللي بتشكك في كلام جرايد بلدك هوا قال الجملة اللي فاتت بالإيطالي "هقابلوني شخصياني إوخوانوللي"
(16)
- الخبير الأمني" العقيد خالد عكاشة " : إرهابيو سيناء حصلوا على متفجرات من السوق السوداء .
البنك المركزي لو بيطرح عطاءات على المتفجرات بأسعار مناسبة .. مكانش الإرهابيين إتجهوا للسوق السودة .
(17)
- في ختام فعاليات بورصة برلين : مصر خارج قائمة 50 دولة تنصح بورصة برلين السياحية بزيارتها .
يا جماعة أنا بدأت أشك إننا مش هنبقى قد الدنيا.. وحاسس إننا مش نور عينيين سيادة الفيلد مارشال.
(18)
- في عملية نوعية.. القبض على شبكة دعارة دولية تستبدل الجنيهات بالدولارات .
لا لخلط السيكو سيكو بالإقتصاد.. وبعدين علشان صباح مسطرد ضربت شعرها اوكسجين.. تبقى بقت شبكة دعارة دولية مستوردة بتضغط عالجنية
(19)
- موقع انفراد: كامل أبو على: إلغاء 95% من الطيران القادم لمصر وانتظروا كارثة سياحية كبرى في الصيف.
انا مش قالقني غير إنه بيقول إن الكارثة لسة جاية ... يعني 30 فندق قفلوا و 70 تانيين نسبة اشغالهم صفر والسياحة الروسية توقفت.. كل دة ومكانش كارثة !!
(20)
- مصر تعرب عن قلقها من الإتفاق التركي الأوربي بخصوص اللاجئين .
أرملة وراشقة في اي مصلحة
(21)
- عمرو أديب: السيسي انفعل على مسؤول أمريكي في جلسة سرية .
إللي مقالوش عمرو إن الريس قلع الحزام ونزل فوقه ضرب ..هنموت منبهرين والله
(22)
- رئيس شعبة المواد الغذائية فى غرفة تجارة القاهرة: أسعار بعض السلع الغذائية ارتفعت بنسبة 25% خلال أسبوع .
اللهم بلغنا شهر نوفمبر 2015 إللي سيادة الريس وعدنا فيه بانخفاض الأسعار .
(23)
- وزير النقل: رفع سعر تذكرة المترو لن يؤثر على محدودي الدخل .
بالعكس.. ابسوليوتلي.. محدود الدخل هوا إللي هيأثر على سعر التذكرة وهيعملها دماغ كمان
(24)
- " القدر" يكشف امتلاك لواء شرطة لـ"قطع أثرية" بعد انقلاب سيارته بالمنيا .
سعادة اللواء كان معاه في عربيته اثار رايح يبيعها .. العربية اتقلبت بيه والموضوع اتفضح .. بس طبعا العيال بتاعة الثورة دي خاينة وبتبيع البلد
(25)
- جائزة أفضل بيمب مصطفى بكري تذهب هذا الأسبوع لممتاز القط وتصريحه عن خطاب السيسي: «فجر بركان الحب» .
عجبنى التعبير.. جديد ومبتكر