أب يكتب رثاء لابنه فى ذكرى أربعين وفاته على يد عاطلين قتلاه لسرقة هاتفه المحمول

كتب والد الطفل يوسف الذى قتل على يد 2 عاطلين أثناء ذهابه لمدرسته بمنطقة الخصوص لسرقة هاتفه رثاء له فى ذكرى مرور أربعين يومًا على وفاته.

ناصر موريس والد الطفل يوسف قال لـ"انفراد" إنه تمر اليوم الأحد ذكرى الأربعين ليوسف وكأن دهر مضى على فراقه فى انتظار القصاص من القتلة، موجهًا رسالة إلى كل أب وكل أم حافظوا على أولادكم من هؤلاء المجرمين الذين ضحوا بحياة أبنى بسبب موبايل ثمنه 200 جنيه مشيرًا إلى أنه كتب رثاء لابنه يوسف فى ذكرى الأربعين وقال فيها: وحشتنى ياصاحبى ووحشنى الكلام اوى وياك مش قادر اخبى دموعى وأنا بفتكر ذكرى ليا معاك وحشنى صوتك وضحكتك ومش هقدر ابدا انساك فاكر لما كنا بنتقابل زمان نضحك كلنا سوا ونهزر أيام خلاص خلصت وراحت ومش ممكن تانى هتتكرر انا مش عارف ازاى ياحبيبى على بعادك انا هقدر دا انا بكلم صورتك تملى كل لحظه فى كل يوم دا بجد نفسى أشوفك ولو حتى فى حلم".

وأضاف: "من بعدك انا هروح لمين ولاهشكى همى لمين دا كل أسرارى انت عارفها دا احنا كنا عشرة سنين ليه بس حرمونى منك ربنا يجازى كل المجرمين مين من بعدك هيجيلى مين هيدق على بابى مين فى حزنى هيوسينى مين غيرك يا اعز اصحابى يا ربى على فراقك يعزينى ويقوينى"