بينى وبينك عمر تاني
قبل الحياة
وقبل اول رجفة للروح ف الممات
أنا عشت قبلك
ع الارض من ألفين سنة
بمص دم المعجزات
وأتنفس الحزن اللى عشش ف البيوت
ما قدرت أموت
ولا قادرة عمرى يمر كاس جوه الحانات
قلبى اللى كان ميت ف يوم
ناهش ضلوعه غربان وبوم
شافك عرف معنى الحياة
انا شوفت فيك سر الإله
وإزاى بيخرج من قلب ميت نبض حي
ويتولد من ليل كفيف أنوار وضي
أنا شوفت فيك كل اللى فات
وراضية بيك من عمر جي
ورافضة دونك كل آت