القارئة رحمة خالد هلال تكتب: قسوة وعذاب

قسيت ع قلب كان غلبان كان طيب ... جيت ع طفلة اتربت على إيدك نسيت اللى ربطت حياتها ف حبل وريدك وجيت عليها بالساهل قدرت إزاى تسيبها تفوتك ... ياجبروووتك ... فين القلب اللى حب ومال ؟! طب فاكر لما قولتلها يا أم العيال نسيت كل اللى كان دا ليه ؟! وبأى حق تكسر قلب كان بيستقوى بيك كان ساند عليك كان نفسه تكونى له بيت ومأوى تضمه بإيديك تشيل عنه الهموم بنظرة حنان من عينيك وإن ضاقت بيه الدنيا يلجأ اليك هديت كل اللى اتبنى ...ضيعت أيام الهنا .. بعدت ومشيت والضهر من بعد سندك اتحنى ... ليه بنحزن من القريب؟؟! والمفروض إنه حبيب طب دلوقتى مين يمسح دموعنا .. الغريب ؟!!؟ العين خلاص جفت .. دموعها اتحبست .. مشاعرنا وقفت .. ولكل الناس كرهت .. الصدمة واجعانا والضحكة واحشانا والصورة بهتانة والفرحة غايبة بعيد ... ملامحنا اتغيرت والنفسية اتدمرت والسبب غلطة قلوبنا بالتحديد ... العقل واقف بعيد وشمتان والقلب واقف مكسور وخجلان عن كل اختياراته ندمان نفسه الوقت يرجع بيه وينزع ثقته اللى زرعها زمان ثقته اللى محصدش منها غير دموع واحزان اللى علمته إزاى يبقى جبان ويخاف يزرعها تانى ف أى مكان


الاكثر مشاهده

تونس توقع على اتفاق السماوات المفتوحة مع الاتحاد الأوروبى خلال مارس المقبل

آية عبد الرحمن: 1,92 مليار نسمة أجروا عملية شراء عبر الإنترنت خلال عام 2019

شركة الطيران الوطنية الروسية تعلق بعض الرحلات إلى الصين

رونالدو يستعيد لياقته بـ"الاستشفاء بالثلج" بعد مباراة اليوفى مع بريشيا

مصرع 8 أشخاص على الأقل فى انفجار بكراتشى الباكستانية

الحكومة تستجيب لاستغاثة مواطنة تعانى من مرض مناعى مزمن

;