القارئ وائل عبد الودود حسين يكتب: فى الكنافة

نفض لنفسك وفكك وابعد عن اللى يشكك مش طالبة شد وجذب وتبرير وفرض رأى من غير تفسير لا دا كده بزيادة وكتير وتدخل فى شئون الغير اللى يأذيك ابعد عنه واللى يحبك قرب منه واللى يقلل منك دا يبقى نقص عنده واللى يعلى منك خليك ضهره وسنده ولا تسمح لحد يفرض حاجة عليك مش عايزها أو مش قابلها ولا تخلى حد يبعد حاجة عنك حاببها كنت ولا رايدها خليك سيد مزاجك يا تتحمل تكاليف علاجك واعمل اللى تحبه وتشوفه صح وترتاح له وعيش مع اللى تحبه ويحبك من قلبه اتمتع كل لحظة بحياتك ولا تتحسر ع اللى فاتك عيد حساباتك واحسب خطواتك آمن بقدراتك ووسع ف علاقاتك لا تزود معاناتك ولا تعجل فى وفاتك افتكر ذكرياتك ورجع أحلى اوقاتك خلى فيه مسافة وشكرا من غير إضافة دا كله فى الكنافة ارسم حدود فاصلة بس حبال الود واصلة لا تسمح لحد يعديها ولا تخلى حد يعيش فيها ناس نفسيا تعبانة كلنا مرضى بالأمانة روح مطرح ما ترتاح وابعد عن أى جراح روح مطرح ما تحب مش غصب ومش ذنب انت مش مذنب ومتهم عشان تدافع وتبرر ربنا خلقك زيهم والكل غلطه مكرر والخسران فيها نفسك والجرح يتملك من يأسك ما تخلى حد يهد سعادتك ولا تنزل دمعة على وسادتك واللى يحاول يضعفك أو يوقعك ويسقطك اديله على طول ظهرك ولا يبان ضعفك ولا قهرك دور دايماً على راحتك وكل حاجة تبقى براحتك لا تكرم اللى يهينك قدام الناس عينى عينك لا تحن للى يقسى عليك ولا تشتاق للى باع واشترى فيك اللى يهتم بيك شيله فوق راسك واللى يقل منك تحت رجلك ومداسك لا تقل من نفسك وعامله زى ما عاملك دا كلام الناس لا يقدم ويجيب لورا ويهدم لا تخلى حد يهز ثقتك اكيد ربنا لحكمة خلقك اللى ينقد بس ويجرح ولما تضايق وتزعل يفرح ممكن من غضبه أو غيرته ولا حابب يفرض سيطرته عدم احترام ، قل ف صورته يبقى الأحسن خسارته ويوفر علينا سؤاله وزيارته علينا حساب تذكرته علشان اتأخر على طيارته