أثناء زياره لأحد الهايبر الماركت الشهيرة عند ثلاجة الجبنة تحديدا سيدة فى منتصف العمر من خلال ملابسها عرفت انها بسيطة وعلى قد حالها طلبت من البائع (ونبى ياريس ربع رومى قديمة وحرشه كده، بصلها البائع بقرف وقالها بس.. قلتله اه بس .. قلها مفيش تقطيع عندك الثلاجة فيها جاهز ومتقطع روحى خدى منها .. بصتله لأ أنا عايزها طازة تتقطع قدامى شخط فيها وقلها كله طازة انتى فى مكان محترم فاكره نفسك فين).
صوته الجاهورى الحاد خضنى وأثار حفيظتى .. لسه فى انتظار رقمى قبلى سيدة اخرى عليها مظاهر الثراء ملابس لماركات معروفه وشعرها مصفف بعنايه (من فضلك ابشرلى تمن بارميزان طعمها محصلش على الشارمب باستا طبعا يا هانم تحت امرك دوقى كده دوقى الرومى دى تجنن طيب دى كمان ،، وخدمه خمس نجوم) حملت السيده طلبها فقط لا زياده فيه!! وشكرته وإذا برقمى يهز مكان الشراء ركزت فى ملابسى هو أنا لابسه القميص والشنطه السنيه (الماركه يعنى) اصلى عايزه جبنه رومى😅😅