بحاول أكرهك لكني مش عارف
وكل ماقول أنا هكره
بلاقي اودامي صورتك مقابلاني
ومن تاني يلف القلب في ثواني
واحاول اقوله يا قلبي
بلاش توجع بلاش تضعف
وترجع تاني دقاتك
تاخدني واحن لوريدك
ومن تاني
ترجّعني مع دموعي
وبحه صوتي شرقه وشي توهاني
فقول لأ لأ أنا هقوي أنا هنسي
جروحي اكيد هسكّتها
وِلو طلعت هاكون بيتها
بلاش أتمادي فـي حنيني
فيعني أرجوكي يعني تفارقيني
لكن قلبي بيؤذيني
ولما اقوي ياخدني لقاكي ويجيني
وافكر فيكي من تاني
ليوم ما جريتي لحضني
وقولتيلي هاتوعدني ولا يوم ييجي وتسيبني
وكان ردي علي عيني ولو هحيا
فبيكي انتي تحييني
وفجأه أمنت بالوحده
وحسيتها برعشتها
وبقت عنيا ع التكه
وكل ما بفتكر إسمك أشوف رسمك
وكل كلام حكيتهولك
اقوم واقول رمتهولك
لكن نغزه في قلبي اوام ترجعني
وتفكيري ملازمني يوديني يرجعني
وقول كرهتك انتي خلاص
ومتأكد باني لو لقيت صورتك
هاخدها ف حضني واداريها لتستهوي لييجي تراب يغميها
أنا نفسي أضيع فيكي واتوه جمبك وحواليكي
واخدني سعاده نقصاني وايامك مافيش تاني
وافوض امرك النافذ
لمن كرّملي حياتي
وخلاني وخلاكي وسواني وسواكي
وخلي القلب يتحرك بفضل الدم يجريله
وخلي الحب يتشبك بطول الشوق وتَطويله
بحاول أكرهك لكني مش عارف
وكل ما احاول انساكي
بحس نظري ماهوش شايف