صرخت الرمال فى سينا أنا محمد أنا مـينا
أنا أولاد مصر عزبة وقرية وكفر ومديــنة
أنا اللى الدم على أرضى حقق كل أمانــينا
أنا شرق المحراب نهر كل الأديان يرويـنا
أنا رئة الجسد شهيق الكـنانة كل خطاوينا
أنا لحن العزة قلوب الـكرامة طرب تغـنينا
أنا قبر لكل طامع فى خير سهول أراضـينا
أنا الصبر ســــلاحى أرواح ولادى تحمينا
أنا كل الأديان على الأرض كرمت أراضينا
أنا قلب هيــكل أدارى زغرودة أم تشـجينا
رد القلب أنت يا فيروزه جوانا عايشه فينا
يوم بعيد عنك الشوق ليكى عشــق يكوينا
سهد ليالى دقناه العبور ليكى بلسم يداوينا
الآهة تموت تحت رمالك حبك والله يشفينا
أنت مراية حبنا صورة أمورة اسمها سينا
أعمارنا فوق رملك سهام لكل اللى يعاديـنا
ليلك نـهارك قصــيدة وطنية بالحب تأويـنا
القلوب بالإنفاق تـسلم عليكى تعطر أيادينا
وصقور الأمن فوق رملك عذوبة غـناوينا
القلوب عارفه مراسى الحب فيكى يا سفينه
أول درس فى اول حصة الحب أنت ياسينا
بحبك آى والله بحبك عـشقك والله يكفــينا
طبطب الحب على قلبى قال رملها يداويــنا
يا دفء كل القلوب البصة فى عنيكى تدفينا
رموشك شـطوط جفونك حب أحلى معانيـنا
بحبك والله بحبك يا أم حروف الحب يا سينا