كل اكتشاف للغاز هيحصل الأطماع هتزيد حوالينا
وكلاب الشر عينيها هتزغلل والطمع يملا عنيهم
ويفكرولك في مصايب بأي طريقة عشان يدمروك عشان نفسهم يلحقو حتة من الترتاية دى باي شكل
كل دول العالم بلا استثناء بعد كل اكتشاف عنيهم هتزغلل حتى لو الدول دى في صفك
الغاز بيزغلل العنين زى الدهب بالزبط وبيخلي الدول دى هتتجنن عشانك
تخيل معايا لو ما اشتريناش سلاح جديد ولا حاملات طائرات ولا صواريخ ولا طيارات اية اللي كان ممكن يحصل لو انت دولة ضعيفة وجيشك ضعيف؟
انا هسيبك تجاوب بنفسك السؤال ده
دايما كنت اسمع إن المال محتاج قوة تحمية
انت نفسك لو عندك مزرعة عجول فيها 100 ولا 200 راس
هتلاقي الاطماع عليك تزيد من حرامية وقطاعين طرق لناس حاقدة عليك ونفسهم يلحقوا حتة من اللي بتكسبه
فتطر إنك تجيب قوة تحمى مالك من حراس بسلاح ومن غير سلاح عشان اللي يفكر يجي ناحيتك يبقي يقول علي نفسه يارحمن يارحيم
فما بالك من مال زى الدهب والبترول اللي العالم كله متعطش انه يشرب منه سواء بالحلال او بالحرام او بالحرب او باي طريقه
عرفتوا قيمة القوة في الحفاظ علي المال والبلد والوطن والانسان داخل وخارج بلدة
اه الانسان داخل وخارج بلده
انت لو دولة قوية هيتعملك حساب داخل وخارج بلدك واظن احنا دولة فعلا قوية وشوفت مصر عملت اية في المصريين اللي اتخطفوا في ليبيا الموضوع في 72 ساعة المصريين كانوا في بيوتهم
تخيل لو العدو مش خايف منك ومش عاملك حساب وغير كده العدو ده بيكرهك قوى الاجابة واضحة هيقتلك
لكن لو انت قوى هيحصل اية ايوه بالظبط كده هيفكر مليون مرة في العواقب اللي هتحصله لو فكر انه يلمسك باي اذية
عشان الاضرار عليه هتبقي جثيمة
الوطن من غير جيش يعرف يستخدم القوة صح هيخرب
جيش يدافع عن ارضه وعرضه مايفتريش علي خلق الله مايطمعش في خيرات غيره تأكد إنك لو عندك الجيش ده ربنا هينصره لو راح يحارب بضابط وعسكري قدام آلاف من العدو
والحمد لله إحنا عندنا الجيش ده بيحارب عشان يعيش عشان بلده عشان شعبه وعشان كده ربنا حامينا
المال محتاج قوة تحميه