أجمل مافيك حبك لبلدك
خوفك عليها
حبيتك أكتر وأنت بتوطي بعينيك
وتبوس إيديها
وأكتر وأكتر لما بتتوه في الكلام لما تناديها
أجمل مافيك
ضعفك قصادها
وهيا بتفتح عينيها
وتقولها إعذريني لو غبت عنك أو لقيتي إني يوم
بقيت بقصر في الكلام
بقالي أيام مش بنام
مشغول في اسمك
مشغول بفكر
نفسي أشوفك أعلي حاجة وبصحة بتنور عينينا
فاعذريني لو غبت يوم عن عينيكي
ومسيري يوم هارجع لحضنك
زي زمان وارجع أنام بين ايديكي
شايف عنيك
مهمومة بيها
وفي كل وادي من كيانها
بتروح تزورها
وتراضيها
شايفك بتجري في السباق
بتطير عشانها تعلي فوق
وتقول ماليش غيرها فؤادي
اجمل مافيك غيرتك عليها
وقت اما بيجيبوا في سيرتها
ويعلوا صوتهم من طيبتها
بلاقي ردك عن غيبيتها
شراع بيحمي السفينة
اجمل مافيك انك حارسها
من ناس بتحلم أي فرصة
عشان يغمضوا عينيها
عشان يطفوا النور عليها
دايمًا بشوفك ليل نهار
رايح وجاي عشان تقول
احموا الى عشتوا في يوم عاليها
احموا الى خلتكوا في وجودها
ومن ترابها اكتبوها
أجمل مافيها
عينها الصفية
لونها الى بيسكر عنيا
ايدها الى بتنشف جروحي
ايدها الى بتطبطب عليا
صوتها الى بيحرك مشاعري
روحها الى بتحرك ايديا
هيا الأمان
هيا الزمان هيا المكان
هيا الى بتكمل وجودي
هي الأميره إلى ليا
شايفك بتكتب في الوصية
احموا الى دفتكوا بعينيها
احموا الى خليتكم عليها
واوعدوني طول مافيكم نفس وروح
تكونوا قد المسئولية
اجمل مافيها
عرفت تخلف
عرفت تعلم
عرفت تجيبب الى بيسهر ليل نهار
عشان ينيمها في امان
عشان يطمننا بحنانها
اجمل مافيكم
والي بشوفه في لون عنيكم
لمعة بيضاكم
خوفكم عليا
هاتعيش بلادنا
دايمًا غنية