مصر يا أم البطل، ابنك مبيمتش
بيقف فى وش الموت، ومنه مبيخفش
ولو فرضنا إنه مات، فإحنا مبنخلصش
عشانك نشيل الكفن، ونحطه عالأكتاف
وبروحنا نبنى الأمل ونحقق الأهداف
فداكى أى ثمن، فداكى طلوع الروح
ده إنتى روح الزمن وحبك عبير بيفوح
واصل لحد السماء وعمره ما بيروح
الدم ليكى فرح ولينا طاقة نور
ده باب الجنة اتفتح وبعيننا شوفنا الحور
القلب ليها انشرح وعيشنا فى قلب قصور
إنصبى ياآمّا الفرح، وإفرحيلى بالنور