القارئ فريد منير يكتب: رباعيات

نفسي أتوه وأخرج برا الحدود نفسي أكسر الحواجز والقيود نفسي ألاقي جوايا دوافع للبقاء لكن إيه اللي فاضل مني قابل للوجود؟! ................................................. بخاف من الفرح خوف العمي مش جبن مني بس إنما معشش جوايا حزن ماله نهاية ملازمني يجي من 100 سنة ................................................ عارفة عارفة للحلم فاليوم ساعة وأنتي حلمك معايا فيومي ساعة فيها 24 ساعة أنا خيالي لما بيبتدي يتخيلك بتوه فأوله ومبعرفش له نهاية ذي اللي راح روحة بلا رجعة وتاه وأنتي معاه فكل ساعة ................................................. أنا كنت مرة فساعة ضيق غرقان بخوف غرق الغريق وناسي روحي وأنا عالطريق وفالحلم صاحي ونايم بطيء ................................................. ذي الطور فالساقية بلف لو سرحت مرة المية تجف مع إنهم بيسرحوا كتير بس الأمل عماني وخلاني أخف! ................................................. فمية الغرقانين نزلت عومت قالولي خاف من التعابين قلت تعبي كتير من اللي راح والجاي قبله كتير ياما شفت ................................................. فقربي منك بتبان علامات مين غيرك يارحمن يارحيم ألجأله وأنا فكل الحالات اهديني للصراط المستقيم ................................................. علي فكرة الحزن ده فكرة بتفتكرها فكل فترة عديت عليك صعبة مش سهلة والفكرة إنك تفكرها فكل لحظة إن أنت منها أقوي يعني الجبال لما تتهد ده بالنسبالك عادي وتقول بكل جلد في إيه أضعف من ده قصادي!!