القارئ يوحنا عزمى يكتب: حقوق المرأة ما بين الرفاهية والمعاناة

إن كان المجتمع قد اعترف بحقوق المرأة لكنه لا يعطيها حريتها كاملة، المرأة تتعرض لصعوبات فى ممارسة التمثيل السياسى والاقتصادى وغيره من المجالات فى المجتمع. مجتمعاتنا ذكورية بعضها لا يعطى المرأة حقوقها.. لازم نعترف إن المرأة بتلعب دور مهم فى المجتمع، مينفعش اننا نتجاهل دور المرأة ابدا مهما كانت الظروف، لازم نعطيها كافة حقوقها ونضمن ليها كرامتها، فهى اللى بتبنى الاجيال ذكور واناث لينهضوا بحضارتهم. المجتمع بينظر للمرأه فى التعليم أنها مش لازم تاخد شهادة تعليميه او ان بتعليمها هذا بتاخد دور مش من حقها.. انما الراجل فى نظر المجتمع احق انه يكون متعلم ومثقف وناجح فى حياته العمليه كمان. لكن من يقوم بتربية الابناء ومن يسهر الليالى عشان يعلمهم؟ ومن يشقى ويتعب عشان يغرس القيم والمبادئ فيهم؟ المرأة فى الوقت الحالى بغض النظر عن عدم ممارستها لحريتها كامله.. بس المراة لعبت ادوار كتير بقوة وشجاعه. ظهرت المرأة كمان قائده لبلادها وطبيبة ومعلمة.. الخ. وأخذت المرأة دورا حتى فى مجالات الحرف اليدوية التى عرفت بانها من قوة الرجال، لكنها برعت فى كل دور لعبته.. وستبدع اكثر واكثر عندما يؤمن المجتمع بها.. ولها الحق فى البحث عن ذاتها وممارسه المهن التى تناسبها تماما زى حق الرجل بالظبط. من لا يؤمن بحقوق المرأة كإنسان ينسى أن أمه وأخته وزوجته من النساء. الادوار اللى بتقوم بيها المرأة فى المجتمع؟ المرأة فى الوقت الحالى لها دور رئيسى ميتنسيش ابدا هى بتتعب فى سبيل بناء الاسرة ورعايه البيت وبيقع على عاتقها مسؤلية تربية الاولاد وبتتحمل كزوجة ادارة البيت واقتصاده.. وده بيخلى المهام الى بتمارسها المرأة فى مجتمعاتنا لا يمكن الاستهانه بيها او التقليل من شأنها.. فهى بتقوم بمهام اكتر من الرجل.. بجانب ادوارها فى كثير من المجالات.. مثل التمثيل السياسى سواء فى الاحزاب او تولى مناصب وزارية او مناصب اجتماعية. ليها كمان دور بارز فى سوق العمل فى كتير من المجالات واثبات كفاءتها ونجاحها بصوره ملفته للانظار.. كمان كان للمرأه ادوار كتير على مر العصور.. كشاعرة وملكة ومحاربة وفنانه. الدور الاساسى بيتمثل فى بناء اسرتها ورعايتها.