أعرف عيون كُحال
آيـــة فــي الجمال
بنظـرة وابتســام
تِسلم من غير كلام
أهيــم أدوب أوام
ويبقي حالي حال
في نهاري رموشها ضل
تخطفني النظرة أطُـــل
على حُـسن ماله مِثًل
وحياة من غير محال
في ليلي قمر تطُــل
يطول السهر ما أمل
صديق وأوفي خِـل
والغنوة والموال
صبحوا السكن والدار
والرحلة والمشوار
الحِـلم والأفــكار
نستني راحة البال
يا كلمتي بوحـــــى
عن سرى وطموحي
فين بس بتروحـــى
وفايتة الخيال خيًـال