سهام ميلاد تكتب : اعتذار

كلنا بنقولك معلش ياأمى كلنا بنقدم اعتذار اعتذار من كل مصرى سمع اللى حصلك اضايق وزعل وانهار رغم إنى عارفة لو العالم كله اعتذر لك مش هيمسح ولا يمحى وصمة العار بنعتذر ونقولك مش إنتى بس اللى اتهانتى مش إنتى بس اللى حاسة بعار فعلا حسينا معاكى بالإهانة حسينا معاكى بالعار وعيونا ماليها الدمع وقلوبنا قايدة نار ومش قادر أصدق ان خلاص ضاعت النخوة والرجولة وإن رجالة الصعيد يعروا حريمهم دى اللى مش معقولة وبقوا ذئاب بشرية ميعرفوش معنى الإنسانية وبعقول مقفولة مش قادرة أصدق أن هو ده مفهومكم للرجولة هما دول رجالة الصعيد معقولة من كل قلبى بقول يخسارة ضاعت منكم النخوة والرجولة.